2013 жылы Алматы облысының ЖӨӨ 4,46 трлн теңгеге жетті
31 Қаңтар, 2014 17:35
Алматы облысы әкімдігінде 2013 жыл қорытындысы бойынша жиын өтіп, онда облыс әкімінің орынбасары Т.Досымбеков облыстың даму барысы жайлы баяндама жасады.
«Алматы облысында негізгі әлеуметтік-экономикалық көрсеткіштердің барлығында алға жылжу байқалады. Жалпы, 2013 жылы жалпы өңірлік өнім 1 триллион 468 миллиард теңгені құрады», - дейді Т.Досымбеков.
2013 жылы облыс бюджеті 291 млрд теңгені құрап, мемлекттік бюджетке 249 млрд теңге салық жиналды.
Сонымен қатар, өңірде 20 мың жұмыс орны ашылып, жұмыссыздық деңгейі 4,9% азайды.
Айта кету керек, халықтың табыс деңгейі 9,1% артып, орташа жалақы көрсеткіші 4,8 % көбейіп, 81 мың теңгені құраған.
