2014 жылы апаттардың медициналық госпиталін қондырғылармен жабдықтауға 600 млн теңге бөлінеді – В. Божко

«Президент денсаулық сақтау саласында басты жетістікті таңдады – алғашқы медициналық көмек көрсетуді дамыту. ҚР ТЖМ жедел медико-санитарлық қабылдау жүйесін одан әрі дамытатын болады. Темір жол медициналық мекемелерін медициналық техникамен қамтамасыз ету үшін республикалық бюджеттен 2014 жылы 595,2 млн теңгені бөлу қарастырылған», - деді В. Божко.

Оның айтуынша, жыл басынан бері «Апаттардың темір жол медициналық госпиталі» АҚ-ның күндізгі және тәулік бойғы госпиталдерінде 5 мыңнан астам пациент емделіп, 1 мыңнан астам хирургиялық операция жасалып, поликлинаға келгендер саны 160 мыңды құраған.

 «Елордалық Орталық жол ауруханасының госпиталінде заманауи теңдессіз құрылғының көмегімен көз микрохирургиясы бойынша жоғары мамандандырылған медициналық көмек көрсетілді. 3 жылдың ішінде әр түрлі саладағы 1090 операция жасалса, соның 60-ы биылғы жылдың қаңтар айында жасалған»,- деді В.Божко.

Министрдің айтуынша, «Деңсаулық»,«Жәрдем» және «Саламатты Қазақстан» мамандандырылған поезы алдағы уақытта дамытылатын болады.

 «Денсаулық» поезы ОҚО халқына 2014 жылдың 4 ақпанын бастап қызмет көрсете бастайды. Ал 1 наурыздан бастап «Жәрдем» Маңғыстау облысына аттанады. Өз кезегінде «Саламатты Қазақстан» 29 наурыздан бастап Қарағанды облысы тұрғындарының игілігіне ұсынылады.