ҚР-да 2015 жылдан бастап Назарбаев зияткерлік мектептерінің тәжірибесі бойынша орта білім берудің жаңартылған бағдарламасы енгізіледі – А. Сәрінжіпов

« Жолдауда аталған тапсырмаларды орындау мақсатында министрлік  Назарбаев зияткерлік мектептері арқылы орта білім берудің жаңа бағдарламасын дайындауды алға қойды. Назарбаев зияткерлік мектебінің тәжірибесі бойынша 11 жылдық білім беру бағдарламасы жаңармақ. Осымен бірге, бастапқы, негізгі және жоғарғы стандарттардың дайындалу үрдісі жүргізіле береді», - деді А. Сәрінжіпов.

Ведомство басшысы атап өткендей, жаңартылған бағдарламлар 2015 жылдан бастап енгізіледі.

Сондай-ақ, біліктілікті арттыру мен жаңа пішінде ұстаздарды дайындау жоспарлануда.

«Кембридждік бағдарламаның 3 айлық деңгейі қолданылады. Қамтылатын адам саны -120 мың адам. Назар ауыл мұғалімдеріне аударылады. Екі апталық қысқамерзімді оқытулар 2014-2015 жылдар аралығында жаңа білім беру сапасы арқылы жүргізілетін болады», - деді ол.