ҚР БҒМ мен Қостанай облысы әкімдігі білім беру мен жастар саясаты туралы меморандумға қол қойды

31 Қаңтар, 2014 15:36

Бүгін ҚР Білім және ғылым министрлігі қызметкерлерінің кеңейтілген отырысында ведомство мен Қостанай облысы әкімдігі арасында 2014-2016 жылдарға арналған білім беру мен жастар саясаты саласындағы ақырғы жетістіктер мен мақсатты көрсеткіштерге қол жеткізу туралы меморандумға қол қойылды.

«Әкiмдiктермен бiрлескен меморандумға қол қою бастамасын министрлiк бiлiм, ғылым және жастар саясатының өзектi басым бағыттарын iске асыру мақсатында көтерген. Құжатта министрлiк пен әкiмдiктер тұрғындарды сапалы бiлiм берумен қамтамасыз етудегi жауапкершiлiктері көрсетілген», - деп хабарлады университетте.

Меморандум 3 жылға түзіліп, қазірден бастап күшіне енді.

Университет хабарлағандай, келісімдер бiлiм беру мен жастар саясатын жетiлдiру бойынша пәрмендi шаралар қабылдауды мiндеттейдi.

Бұл келiсiмге сәйкес, тараптар нормативтiк-құқықтық актiлердi әзiрлеуге белсендi қатысуға, өзара iс-әрекеттердi қамтамасыз ету және нақты нәтижелерге қол жеткiзу үшiн қабылданатын шараларды үйлестiруге ниеттi.

Бұл ретте, министрлiк бiлiм беру мен жастар саясаты салаларын дамытуға бағытталған бюджеттiк қаржыны уақытылы және толық бөлудi қамтамасыз етуге мiндеттеледі.

Өз кезегінде әкiмдiк өз кезегiнде аймақта жоспарланған көрсеткiштерге қол жеткiзу үшiн бөлiнген қаражаттарды тиiмдi әрi мақсатқа сай пайдалануды мойнына алады

Барлық жаңалықтар