3 жыл ішінде ҚР мен Пәкістан арасындағы сауда көлемін 100 млн долларға арттыру керек – Шаукат Әли Мукадам
31 Қаңтар, 2014 15:03
3 жыл ішінде ҚР мен Пәкістан арасындағы сауда көлемін 100 млн долларға арттыру керек, деп мәлімдеді Пәкістан Ислам Республикасының Төтенше және Өкілетті елшісі Шаукат Әли Мукадам.
«Біздің өзара байланысымыз жыл санап даму үстінде. Соның ішінде экономика, сауда-саттық және адам ресурсын басқару саласындағы жетістіктер ауыз толтырып айтарлықтай. 2012 жылы екі ел арасындағы екі елдің тауар айналым көлемі 36 млн долларды құрады. Енді алдағы 3 жыл ішінде ҚР мен Пәкістан арасындағы сауда көлемін 100 млн долларға арттыру керек», - деді Шаукат Әли Мукадам.
Сонымен қатар, Пәкістан Ислам Республикасының Төтенше және Өкілетті елшісі Шаукат Әли Мукадам Қазақстан Президентін 2014 жылы Пәкістанға шақырғанын мәлімдеді.
