Біз ҮИИД МБ жүзеге асуына голландық компаниялардың белсенді араласқанын қалаймыз – Н. Назарбаев

31 Қаңтар, 2014 14:34

Ақордада шетел елшiлерінен сенiм грамотасын қабылдау рәсімінде ҚР Президентi Нұрсұлтан Назарбаев Қазақстан мен Нидерланды елі ынтымақтастығы жоғары дәрежеде екенін атап өтті, деп Ақорданың баспасөз қызметі хабарлады.

«Сіздердің ел – біздің республикамыздың алдыңғы қатарлы серіктестерінің бірі. Өткен жылы біздің тауар айналым 10 млрд долларды құрады. Голландық инвестицияның қазақстандық экономикаға қосқан үлесі 48 млрд-ты құрады. Қазақстанның энергетикалық серіктестігі белсенді дамуда, сондай-ақ, олардың әлемдік нарықтағы көліктік тасымалдауы да қарқынды дамуда. Біз үдемелі индустриялық-инновациялық даму бағдарламасының жүзеге асыруына голландық компаниялардың белсенді араласқанын қалаймыз және өндірісте өткізу технологиясын да енгізу өте маңызды», - деді Ел Президенті.

Сондай-ақ, Елбасы «Қазақстан-Нидерланды» іскерлік кеңесінің маңызы зор екенін атап өтті.

«Ол экономикалық ведомстволар мен іскерлік аймақтағы байланыстарды нығайтуға мүмкіндік береді. Мен ағымдағы жылы Нидерландының Гаагуға барған жұмыс сапарымда осы және басқа сұрақтарды талқылаймыз деп үміттенем. Мен онда Ядролық қаупсіздіктің жаһандық саммитіне қатысуды жоспарлап отырмын», - деді Мемлекет басшысы.

Барлық жаңалықтар