Біз еліміздің сенімді және нық әрекетінің куәгеріміз – СҚО аудандық білім беру бөлімінің жетекшісі В.Ткаченко

«Біз барлығымыз жаңа мемлекетті құруда бір идеяның айналасына топталып, мемлекетіміздің гүлденуіне бір кісідей ат салысып, біздің басты құндылықтарымыз – тәуелсіздік, ұлтаралық, бірлік, бейбітшілік пен келісімді сақтайтынымызға сенімім мол. Жамбыл ауданы білім беру бөлімі 2011-2020 жылдарға арналған Қазақстан Республикасының білім беру саласын дамытудың мемлекттік бағдарламасы аясында Жолдауда айтылған міндеттемелерді орындауға өз үлесін қосады», - дейді В.Ткаченко.

Аудандық білім беру басқармасы жетекшісінің мәліметінше, 12 жылдық білім беру жүйесіне өткізуді ескеріп аудан ұстаздарын қайта даярлау жұмыстары жалғасуда. Ауданның 844 оқытушысының ішінде өткен жылы 390-ы қайта даярлаудан өткізілсе, 67 оқытушы Кембридж бағдараламсы бойынша курстан өтті.

«Дәл сол оқытушылар біздің ауданда білім беру сапасын артуына үлестерін қосулары керек. Президенттің 2015 жылдың 1 шілдесінен бастап айлық жалақыны 29 пайызға арттыру туралы тапсырмасы өте орынды. Бұл ұстаздарды жаңаша еңбек етуге ынталандырып, түлектердің мол білім алып шығуына алғышарт болады», - дейді В.Ткаченко.  

Оның айтуынша, ауданда қазіргі таңда 12 жылдық білім беруге дайындық жұмыстары жүргізілуде. Мектепке дейінгі ұйымдар желісі кеңейтілуде. 3-6 жас аралығындағы мектепке дейінгі ұйыммен қамтамасыз етілгені 98,8% құрайды.