Қызылорда облысында екі мектеп ашылды
30 Қаңтар, 2014 10:33
Қызылорда облысының Түгiскен және Еңбекші ауылдарында 2 мектеп ашылды, деп облыс әкімдігінің баспасөз қызметі хабарлады.
«Қызылорда облысы Жаңақорған ауданы Түгіскен ауылында 600 орындық мектеп пайдалануға берiлдi. Салтанатты шараға қатысқан аймақ басшысы Қырымбек Көшербаев ауыл халқын құттықтады», - делінген хабарламада.
Түгiскендегі білім ордасының ашылу рәсімі кезінде өңір басшысы ақсақалдармен кездесiп, биыл ауылды жандандыруға 1 млрд. теңгеге жуық қаражат бөлiнетiнiн жеткiздi. Нәтижесінде әлеуметтiк нысандар ашылып, көгiлдiр отын келедi.
Сондай-ақ, Шиелi ауданының Еңбекшi елді мекенінде 300 орындық мектеп ашылды.
