Қазақстанда жастар еңбек биржасының бірыңғай веб-порталы құрылады
1 Наурыз, 2013 00:00
Мемлекет басшысының тапсырмасын орындау мақсатында «Жас Отан» жастар қанаты 4-ші наурызда электрондық еңбек биржасын енгізу, жастардың жұмыспен қамту бағдарламасына қатысуы және оған тіркелуді жеңілдету мен жүйелендіру мәселесіне арналған семинар-кеңес өткізеді, деп хабарлайды партияның баспасөз қызметі.
«Кеңес барысында жастар еңбек биржасының бірыңғай веб-порталын құру мен тиімді жұмыс істеуіне қатысты ұсыныстар әзірленеді.
Сонымен қатар семинарға қатысушылар Астана қалалық әкімшілігінің «Жұмыспен қамту» орталығының жұмысымен танысады деп жоспарланған.
