• Басты
  • Талдықорғанда балабақша ашылды

Талдықорғанда балабақша ашылды

29 Қаңтар, 2014 17:13
Бүгін Талдықорған қаласының Мүшелтой ықшам ауданындағы «Құлыншақ» балабақшасы ашылды.

«Коммуналдық  меншікке  қайтарылған   балабақша  300  орындық пен 14 топқа лайықталып, күрделі  жөндеуден  өтті. Мекемені күрделі  жөндеуден өткізу үшін  470 млн. теңге  бөлініп, қаржы  толығымен  игерілді», - делінген акиматта.

Аймақ басшысы Аңсар Мұсахановтың мәліметінше, 2014 жылы «Балапан» бағдарламасы арқылы 9 балабақша ашу жоспарланған.

«Жалпы, 2013 жылы облыста  3270 орындық 32 балабақша мен 140 орындық 5 шағын орталық ашылды. Талғар және Көксу аудандарында мектепке дейінгі мекеме ашылды. Жалпы, 3560 орын қолданысқа берілді», - деді облыс әкімі.

Мектепке дейінгі мекемемен қамту 60,3 пайызды құрайды. Қазіргі таңда облыста 241 балабақша мен 436 шағын орталық жұмыс істеуде.

 

Барлық жаңалықтар