ҚР Президенті ҰҚК төрағасымен кездесті
28 Қаңтар, 2014 14:10
ҚР Президенті Н. Назарбаев Ұлттық қауіпсіздік комитетінің төрағасы Нұртай Әбіқаевпен кездесті,деп Ақорданың баспасөз қызметі хабарлады.
«Н.Әбіқаев Қазақстан Президентіне ведомствоның қазіргі қызметі және алдағы кезеңдегі басымдығы бар міндеттері туралы баяндады», - делінген хабарламада.
Кездесу барысында азаматтар мен қоғамның қауіпсіздігін қамтамасыз ету саласындағы негізгі бағыттар, сондай-ақ халықаралық терроризм мен экстремизмге қарсы іс-қимыл шаралары талқыланды.
Кездесу қорытындысында Мемлекет басшысы бірқатар нақты тапсырмалар берді.
