• Басты
  • Н. Қаппаров ҚР Президентіне су ресурстарын басқару бағдарламасын әзірлеу туралы баяндады
28 Қаңтар, 2014 08:50

Н. Қаппаров ҚР Президентіне су ресурстарын басқару бағдарламасын әзірлеу туралы баяндады

Қазақстан Республикасының Президенті Н.Назарбаев Қоршаған орта және су ресурстары министрі Н.Қаппаровпен кездесті, деп хабарлайды Ақорданың баспасөз қызметі.

Н. Қаппаров ҚР Президентіне су ресурстарын басқару бағдарламасын әзірлеу туралы  баяндады | Strategy2050.kz

«Министр Мемлекет басшысына 2013 жылдағы жұмыс қорытындылары мен алдағы кезеңге арналған жоспарлар туралы баяндады»,- делінген хабарламада.

Н. Назарбаев министрліктің жаңа өкілеттіктерге ие болуы мен оған су ресурстары, аң аулау және орман шаруашылығы жөніндегі, сондай-ақ балық шаруашылығы комитеттерінің берілуінің маңыздылығын атап өтті. Мемлекет басшысы білікті кадрларды, атап айтқанда, су ресурстарын басқару және трансшекаралық өзендер мәселелері жөніндегі халықаралық келіссөздерді жүргізу саласындағы мамандарды даярлау жайына назар аударды.

Бұған қоса, Қазақстан Президенті халықаралық тәжірибені ескере отырып, елімізде «жасыл экономиканы» дамытуға үйлестірілген және кешенді көзқарас қалыптастыру қажеттігіне тоқталды. 

Кездесу барысында Н.Қаппаров ведомствоның «жасыл экономика» саласындағы қызметі жайлы, сондай-ақ су ресурстары мен тұрмыстық қатты қалдықтарды басқару бағдарламаларын әзірлеу туралы хабардар етті.

Кездесу қорытындысында Мемлекет басшысы белгіленген бағыттағы жұмыстарды жалғастыруды, атап айтқанда, аталған бағдарламаларды іске асыру жөніндегі іс-шаралар жоспарын дайындауды бастауды тапсырды.

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды