2014 жылдың соңына дейін «Бозой-Бейнеу» газ құбырының желілік бөлігінің құрылысы аяқталады - Ұ.Қарабалин
27 Қаңтар, 2014 16:25
2014 жылдың соңына дейін 311 км созылған «Бозой-Бейнеу» газ құбырының желілік бөлігінің құрылысы аяқталады. Бұл туралы ҚР МГМ басшысы Ұзақбай Қарабалин ведомствоның кеңейтілген отырысында хабарлады.
«Есептік кезеңде Қызылорда және Оңтүстік Қазақстан облыстарының 500 -ден астам елді-мекендерін көгілдір отынмен қамтамасыз етуге, сондай-ақ, газды батыс аймақтардан оңтүстікке тасымалдау бойынша стратегиялық міндеттерді шешетін ірі «Бейнеу-Бозой-Шымкент» жобасының алғашқы кезеңі аяқталды. Бұдан басқа, 2014 жылдың соңына дейін 311 км созылған «Бозой-Бейнеу» газ құбырының желілік бөлігінің құрылысы аяқталуы тиіс», - деді Ұ. Қарабалин.
Естеріңізге сала кетейік, 2013 қазан айында «Бозой-Шымкент» учаскісі жүргізу-режимінде пайдалануға берілді. Ал, сол жылдың желтоқсан айында нысан мемлекеттік қабылдаудан өтті.
