1 Наурыз, 2013 00:00
Мемлекеттік хатшы Қазақстандағы АҚШ елшісін қабылдады
Бүгін Ақордада Мемлекеттік хатшы Марат Тәжин АҚШ-тың Қазақстандағы Төтенше және өкілетті елшісі Кеннет Фэйрфаксты қабылдады, деп хабарлайды Ақорда баспасөз қызметі.
К.Фэйрфакс соңғы жылдары көптеген салада американ-қазақстан ынтымақтастығының жемісті дамып келе жатқанын атап өтті. Мемлекетаралық қарым-қатынастар анағұрлым жаңа сапалық деңгейге көтерілді, бұл екі елдің сауда-экономикалық көрсеткіштерінен байқалды.
ҚР Мемлекеттік хатшысы саяси мәселелер бойынша стратегиялық серіктестіктің орнықты сипатын, экономикалық және гуманитарлық салалардағы екіжақты қатынастардың серпінді дамып келе жатқанын атап көрсетті.
Кездесуде қазақстан-американ ынтымақтастығын одан әрі нығайтуға байланысты бірқатар маңызды мәселелер қозғалды.
