• Басты
  • 2013 жылы Қазақстанда мұнай және конденсат өндіру көлемі 82 млн тоннаға жуықтады - Ұ. Қарабалин
27 Қаңтар, 2014 15:30

2013 жылы Қазақстанда мұнай және конденсат өндіру көлемі 82 млн тоннаға жуықтады - Ұ. Қарабалин

Қазақстанда 2013 жылы мұнай және конденсат өндіру көлемі 82 млн тоннаны жуықтады. Бұл туралы бүгін Мұнай және газ министрлігінің кеңейтілген отырысында ведомство басшысы Ұзақбай Қарабалин хабарлады.
2013 жылы Қазақстанда мұнай және конденсат өндіру көлемі 82 млн тоннаға жуықтады - Ұ. Қарабалин

«Жедел мәліметтер бойынша, 2013 жылы мұнай және конденсат өндіру көлемі 81,8 млн. тонн. жетіп, ғасырлық тарихы бар қазақ елі үшін жаңа меже болып қалды. Бұл индикативтік жоспардан 0,3%-ға төмен, ал,  2012 жылғы көрсеткіштен 3,2%-ға жоғары», - деді  Ұ. Қарабалин.

Оның үстіне, министрдің айтуы бойынша, газды өндіру көлемі   42,3 млрд. текше метрге жетіп, жоспардан 4,4%-ға, өткен жылдың көрсеткішінен 5,4%-ға асып түскен.

«МӨЗ қайта жаңғырту жұмыстарының қарқынды жүруіне қарамастан мұнайды өндеу деңгейі сол қалпында қалып отыр. Есептік кезең бойынша,  14,3 млн. тонн. мұнай өңделіп, жоспардан 3%-ға және алдағы жылдың көрсеткішінен  0,6%-ға асты», - деп  Ұ. Қарабалин атап өтті.

Алайда, сұйытылған газды есепке алмағанда, кейбір мұнай өнімдерін өндіру көлемі өткен жылмен салыстырғанда біршама төмендеді.

«Мәселен, жанармай 2,7 млн. тонн. немесе 2012 жылмен салыстырғанда  94%-ға, әуекеросині  409 мың тонн. немесе 97%-ға, дизельді отын 4,1 млн. тонн. немесе  98,7%  құрады», - деп МГМ басшысы түсіндіріп өтті.

Оның айтуынша, өндіріс көлемінің төмендеуі алғашқы жарты жылдықта Ресейден келетін ашық мұнай өнімдерінің импортының тұрақсыз болуымен тығыз байланысты. Тауардың шектен тыс көп болуы МӨЗ жұмысын ты тоқтатып тастаған. 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды