Қазақстанда ақбөкендердің саны 9 есеге көбейді – ҚОСРМ
27 Қаңтар, 2014 12:40
ҚР-да ақбөкендердің саны жақсы көрсеткішке ие, 2013 жылы олардың саны 187 мың басқа жетті. Бұл туралы бүгін коллегия отырысында Қоршаған орта және су ресурстары министрі Нұрлан Қаппаров мәлімдеді.
«Бүгінде ақбөкендердің саны көбеюде, 2013 жылы олардың саны 187 мыңға жетті, демек 9 есеге өсті», - деді Н. Қаппаров.
Сондай-ақ, ведомство басшысы ақбөкендер мен өзге жануарлардың сақталуы мен көбею бойынша жұмыстар жалғасатынын айтты.
Айта кетейік, «жасыл» экономикаға өтуге арналған шаралар жоспарында министрлік ағымдағы жылы биологиялық ресурстарды сақтау және дамыту концепциясы мен экономиканың орман секторының даму тұжырымдамасы әзірленді.
