ҚР-да 90%-дан астам транзиттік декларация алдын ала ақпараттандыруды қолдану арқылы беріледі

25 Қаңтар, 2014 10:34

ҚР-дағы кедендік шекара арқылы жүк тасымалы процесін жеделдету үшін алдын ала ақпараттандыру процедурасы жұмыс істейді.

Қазіргі таңда автомобильдік өткізу пункті арқылы тасымалданатын тауарларға қатысты транзиттік декларацияның 90 пайыздан астамында алдын ала ақпараттандыру қолданылады.

Сонымен қатар, кедендік орган мамандары тарапынан жүктің, логистиканың, кедендік тазарту мен декларациялаудың дайындау терминалы бойынша толық қызмттер спектрімен шекаралық транспорттық-логистикалық орталықтар құру Тұжырымдамасы ұсынылды.

Электронды декларациялауды енгізу кедендік тауар тазарту процедурасын айтарлықтай жеңілдетеді және жеделдетеді. Тауарларға және өзге де қажеттіліктерге декларация беру кедендік органдарды электронды түрде жүргізілуі керек.

Республикамызда кеңінен тарап келе жатқан құзіретті экономикалық операторлар институты сыртқы айналымның артуына да жағдай жасауға бағытталған.