Сенат Төрағасы Грузия Елшісін және БҰҰ-ның Резидент-үйлестірушісін қабылдады

25 Қаңтар, 2014 09:59

Қазақстан Республикасы Парламенті Сенатының Төрағасы Қасым-Жомарт Тоқаев Грузияның Қазақстандағы Елшісі Зураб Патарадзені қабылдады. Елші Сенат Төрағасын Грузиядағы ішкі саяси және әлеуметтік -экономикалық дамуы, сондай-ақ Қазақстанмен бірлескен инвестициялық жобаларды іске асыру туралы хабардар етті, деп Парламент Сенатының баспасөз қызметі хабарлады.

«Екіжақты қатынастардың достық сипаты және келешегі зор екенін атап өте келіп, Қ.Тоқаев грузин парламентшілеріне еліміздің қазіргі дамуы барысымен танысу үшін Қазақстанға келуге шақыруын жолдады», -делінген хабарламада.

Сенат Төрағасы грузин дипломатын Президент Н.Назарбаевтың таяуда жария еткен Жолдауының негізгі ережелері туралы хабардар етті.

Сонда-ақ, Қ.Тоқаев БҰҰ-ның Резидент-Үйлестірушісі, БҰҰ Даму Бағдарламасының Қазақстандағы Тұрақты Өкілі Стивен Туллмен де кездесті. Жүздесушілер Қазақстан мен Біріккен Ұлттар Ұйымының өзара іс-қиымылының өзекті мәселелерін талқылады.

С.Тулл Сенат Төрағасына БҰҰ Даму Бағдарламасының біздің еліміздегі қызметі туралы айтып берді. Қ.Тоқаев Қазақстанның әмбебап әрі баламасыз ұйым болып табылатын БҰҰ-мен өзара іс-қимылының басым сипатын атап өтті.

Барлық жаңалықтар