Мемлекет басшысы Дүниежүзілік сауда ұйымының бас директоры Роберто Азеведомен кездесу өткізді
24 Қаңтар, 2014 14:36
Мемлекет басшысы Н. Назарбаев Дүниежүзілік сауда ұйымының бас директоры Роберто Азеведомен кездесу өткізді, деп Ақорданың баспасөз қызметі хабарлады.
«Келіссөздер барысында Қазақстанның ДСҰ-ға кіруі жөніндегі келісімдер үдерісінің қазіргі жай-күйі қаралды», - делінген хабарламада.
Мемлекет басшысы еліміздің ДСҰ-ға кіруі басты сыртқы экономикалық басымдығымыздың бірі болып саналатынын атап өтті.
Р.Азеведоның пікірінше, негізгі мәселелер – ДСҰ-ға мүше елдермен келісу, Кеден одағына қатысуына байланысты Қазақстан мен Ресейдің импорттық кедендік баж салығы жөніндегі міндеттемелерін үйлестіру.
Р.Азеведо Нұрсұлтан Назарбаевты ДСҰ Хатшылығы Қазақстанның ДСҰ-ға кіруі жөніндегі келіссөздердің тезірек аяқталуына барынша қолдау көрсететініне сендірді.
