Қостанайда 2013 жылы кредиттік баспана құрылысына 1,5 млрд теңге жұмсалмақ

«Халыққа арналған кредиттік баспана құрылысына биылғы жылы шамамен 1,5 млрд теңге бөлініп отыр. Жайлылығы жағынан екі деңгейлі – шаршы метріне 90 мың теңге болатын үшінші деңгейлі және шаршы метрі 80 мың теңгелік төртінші деңгейлі тұрғын үйлер бой көтермек. Бұл сомалар инженерлік желілерді тарту жұмыстарын қосе есептемегенде алынып отыр», - деп мәлім етті ол. 

Құрылыс бөлім бастығының айтуына қарағанда, ағымдағы жылдың сәуір айында 1 Красная шағын ауданындағы 126-пәтерлі үйді пайдалануға беру жоспарланған. 

«Бұдан бөлек, Быковский мен Маяковский көшелерінің қиылысында 60-пәтерлі үйдің құрылысы, Гашек пен Чкалов көшелерінің қиылысында көпқабатты үйдің құрылысы жоспарда бар. Сонымен қатар әуежай маңында жас отбасыларға арналған төрт үйдің құрылысы және №3 мектеп маңындағы бір топ көпқабатты үйлердің құрылысы жалғасып жатыр. Әуежай маңындағы үйлерден бөлек, Рабочая көшесі бойынан жастарға арналған жалға берілетін тұрғын үй салынатын болады», - деп атап өтті А.Маклюк.

А.Маклюк сұхбат барысында жас отбасыларды баспанамен қамту мақсатында 341 млн теңге бөлінгенін айтып кетті.