• Басты
  • Н. Назарбаев ЕҚДБ президенті Сума Чакрабартимен кездесті
23 Қаңтар, 2014 17:51

Н. Назарбаев ЕҚДБ президенті Сума Чакрабартимен кездесті

Давостағы Дүниежүзілік экономикалық форум аясында өткен әңгімелесу барысында Мемлекет басшысы мен Еуропа қайта құру және даму банкінің (ЕҚДБ) президенті банктің отандық және шетелдік инвестицияға көмек көрсетуінің негізгі тетіктерін талқылады, деп Ақорданың баспасөз қызметі хабарлады.
Н. Назарбаев ЕҚДБ президенті Сума  Чакрабартимен кездесті

«Тараптар инфрақұрылымдарды дамытуға бағытталған бірқатар перспективалық жобаны, атап айтқанда, Үлкен Алматы айналмалы автомобиль жолы құрылысын қаржыландыруға қатысу жайын қарастырды», - делінген хабарламада.

Нұрсұлтан Назарбаев Қазақстан мен ЕҚДБ арасындағы ынтымақтастықтың деңгейі жоғары екенін, сондай-ақ банктің түрлі салаларға инвестиция салу арқылы еліміздің экономикасын дамытуға қосқан елеулі үлесін атап өтті. Мемлекет басшысы республиканың шағын және орта бизнесіне қолдау көрсету жұмысын жалғастыруға шақырды.

С.Чакрабарти өз кезегінде ынтымақтастықтың табысты дамып келе жатқаны туралы пікірін білдіре келе, өткен жылдың қорытындысында Қазақстан бойынша жобалар пакеті 450-500 миллион доллар көлемінде болғанын атап өтті. 

ЕҚДБ басшысы банктің елімізге бөлінетін қаржы көлемін арттыруға мүдделі екендігінен хабардар етті. Бұған қоса, С.Чакрабарти ЕҚДБ-ның «жасыл экономика» саласындағы белсенді жұмысына назар аудартты, ол ұйым жобаларының 50%-дан астамын қамтиды.

 

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды