• Басты
  • БЖЗҚ қосымша салымының кейінге шегерілгені – дұрыс шешім
2 Қыркүйек, 2019 17:44

БЖЗҚ қосымша салымының кейінге шегерілгені – дұрыс шешім

Президенттің Жолдауындағы ең өзекті және тиімді шаралардың бірі – 2020 жылдың қаңтарында енгізілуі тиісті жұмыс берушілер тарапынан төленетін 5 пайыздық қосымша зейнетақы салымдарының 2023 жылға қалдырылуы. Бұл пікірді экономист, Ұлттық қоғамдық сенім кеңесінің мүшесі Рахым Ошақбаев Strategy2050.kz АА берген сұхбатында айтты.

БЖЗҚ қосымша салымының кейінге шегерілгені – дұрыс шешім | Strategy2050.kz

Белгілі экономист – Мемлекет басшысының Қазақстан халқына Жолдауында азаматтарға салық заңнамасын жеңілдету үшін жұмыс берушілердің БЖЗҚ-ға 5% мөлшеріндегі салым салуды кейінге қалдыруды тапсырғанын ерекше атап өтті.

«Менің ойымша, бұл шара қазіргі уақытта Қазақстан үшін ең тиімді және қажет деп санаймын», - деді Рахым Ошақбаев.

Сонымен қатар ол, Президент Қазақстан қоғамының өткір проблемаларын атап өткенін және оларды шешу жолдарын ұсынғаны туралы сөз қозғады.

«Мәселені анықтау басқа да, оны шешудегі нақты бағытты белгілеу – басқа нәрсе. Енді біз Үкіметтің бұл тапсырмаларды қалай жүзеге асыратынын көреміз», - деді экономист-сарапшы.

Естеріңізге сала кетсек, Президент өз Жолдауында аталмыш жинақтардың әлеуметтік қамту және зейнетақы жүйесінде тұрақтылықты қамтамасыз еткенімен, мұндай жағдайда жұмыс берушілер жұмыс орындарын ашуға және еңбекақыны көтеруге ынтасын жоғалтып, көлеңкелі бизнесек жол ашылуы, сол себепті, Үкіметке жұмыс берушілер тарапынан төленетін 5 пайыздық қосымша зейнетақы салымдарын 2023 жылға дейін шегере тұруды тапсырған болатын.

Сондай-ақ ол Қазақстан халқы алдында шағын және орта бизнесті қолдауға, сот және құқық қорғау жүйесін қатайтуға бағытталған бірқатар реформаларды жариялады. Мемлекет басшысы азаматтардың барлық сындарлы сұраныстарына тез әрі тиімді жауап беретін мемлекеттің тұжырымдамасын жүзеге асыру қажет екенін атап өтті.

P.S.

2020 жылы қабылданатын БЖЗҚ туралы ережеге сәйкес, қызметкердің жеке зейнетақы шотына ай сайын жалақысының 10 пайызы - қызметкердің міндетті зейнетақы жарналары, 5 пайызы - жұмыс берушінің өз қаражаты есебінен зейнетақы жарналары аударылатын болған. Зейнетақы аударымдарының жаңа ережесі барлық жұмыс істейтін қазақстандық пен жеке кәсіпкерлер және жеке практикамен айналысатын адамдарға қолданылады, деп шешілген. Алайда жұмыс берушілерден келіп түскен 5 пайыз зейнетақы жарналары жеке тұлғалардың меншігі болып саналмай, жеке мұраға қалдырылмай, БЖЗҚ активінде болып, зейнеткерлер арасында қайта бөлінеді деп есептелген еді.

Айдана Абдрахманова

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды