Ұлттық кеңес мүшелері қандай мәселелерді талқылайды (БЕЙНЕ)

"Ең бастысы елдің көңіл-күйін осы жерде айтып білдіру. Халықтың арасында өзекті мәселелердің шешілуін осы жерде талқылау. Президентімізге соны жеткізу", - деді Қазақстан Республикасы ұлттық архивінің "Архив-2025" ғылыми-әдістемелік орталығының басшысы Берік Әбдіғалиұлы.

"Адал сайлау керек. Саяси партиялар туралы жаңа заң керек. Ол бәрімізге мәлім. Ал, экономиканы білетін адамдар аз. Сондықтан мен өзімді экономикалық топқа ұсынамын.", - деді қоғам қайраткері Мұхтар Тайжан.

"Ұлттық кеңес құрамына 40-тан астам адам кіретін болса, осы азаматтарды 3 жұмыс тобына бөліп отырмыз. Ұлттық кеңесте талқыланған мәселелер, кейін мемлекеттік органдарға жіберілетін болады", - ҚР Президентінің кеңешісі Ерлан Қарин.

"Баспасөз бостандығы толық қамтамасыз етілетін болса, жабық мәселе қалмайтындығы. Негізгі осы мәселелердің бетін бері қарататын болсақ,саяси және экономикалық реформаларды ілестіріп кету оңай болады", - деді саясаттанушы Расул Жұмалы.

"Жас болғаандықтан, әрине, жастардың проблемаларын көтеруге міндеттімін. Әлеуметтік және білім беру саласында, жұмысқа орналастыру бойынша мәселелер де бар", - деді Максим Спокай.

"Кәсіби тәжірибесі мен салмағын дұрыс қолдану үшін Ұлттық кеңестің жұмысы үш топқа бөлінетін болады. Әлеуметтік, саяси және экономикалық негізгі бағыттар. Мен өз басым әлеуметтік топқа кіретін болдым. Оның ішінде денсаулық, білім беру, рухани, ақпарат тарату, мәдени мәселелер кіреді", - деді саясаттанушы Саясат Нұрбек.