• Басты
  • ҚР Президенті жанындағы Мемлекеттік басқару Академиясы оқу үрдісінде жаңа технологияларды белсенді пайдаланады - Б.Әбдірасілов
23 Қаңтар, 2014 16:37

ҚР Президенті жанындағы Мемлекеттік басқару Академиясы оқу үрдісінде жаңа технологияларды белсенді пайдаланады - Б.Әбдірасілов

ҚР Президенті жанындағы Мембасқару Академиясы барлық бағдарламаларда оқу барысында жаңа технологияларға көбірек көңіл бөледі, деп Академияның ректоры Болатбек Әбдірасілов атап өтті.
ҚР Президенті жанындағы Мемлекеттік басқару Академиясы оқу  үрдісінде  жаңа технологияларды белсенді пайдаланады  - Б.Әбдірасілов

«Мемлекеттік қызметкерлер ситуациялық жағдайларды шешіп, тәжірибелік тапсырмаларды шешеді. Осылайша оларда оқу барысында дұрыс шешім қабылдау қабілеті қалыптасады. Аталған элементтердің барлығын біз оқу процесіне енгізгіміз келеді. Себебі, осы жолмен ғана біз мемлекеттік органда қызметкерлерінің  қабілеттілігін  жандандырамыз», - деп ректор өз ойымен бөлісті.

Оның айтуынша, ғылыми зерттеудің жаңа деңгейі Академияға жоғары эталондағы мамандарды даярлауға мүмкіндік береді.

Сондай-ақ, ол ертеректе мемлекеттік қызметтегі және басқармадағы мамандардың біліктілігі өте төмен деңгейде бөлғанын тілге тиек етті. Сондықтан да Академия осы сала бойынша қарқынды зерттеу  жұмыстарын жүргізіп жатыр екен.

«Нәтиже бар, бүгінде осы мақсатта 203 ғылыми мақала жарыққа шықса, оның 23 халықаралық рейтинг беретін журналдарда басылған. Бұл біз үшін мақтанарлықтай жетістік», - деп ректор атап өтті.

Бұдан басқа, ҚР Президенті жанындағы Мембасқару Академиясы халықаралық әріптестікті дамытуда.

«Біз әлемде мемлекеттік қызметкерлерді дайындайтын белді мектептер мен ЖОО тығыз байланыста жұмыс істейміз. Францияның мемлекеттік қызметкерлер даярлайтын ENA мектебімен әріптестік орнату арқылы біз екі дипломдық білімге қол жеткіздік. Біз осы жоба аясында 2 жыл бойы жұмыс істеп, өткен жылдың аяғында іске асырылды. Осының арқасында біздің 7 магистрантымыз Францияның ENA мектебі мен Академияның дипломын алды», - деді Б. Әбдірасілов.

Айта кетерлік жайт, халықаралық пилоттық жоба аясында магистранттар алғашқы оқу жылы Академияда білім алды. Екінші жылы Францияда 4 модуль бойынша білімдерін жетілдіріп, жергілікті мемлекеттік органдарда іс-тәжірибеден өтті.

 

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды