Алматы балабақшасында ерекше инновациялық технология пайда болды

«Жүн өңдеу» технологиясының басты мақсаты- қазақ қол өнерінің тәлім-тәрбиелік дәстүрлерін үйрету. Балаларды халықтың мәдени құндылықтарының бірі қол өнермен таныстыру. Жүннен жасалған заттардың жасалу жолын көрсету. Ал, алға қойған міндетіміз балаларды өз бетімен шығармашылық жұмыс жүргізе білуге үйрету, еңбек сүйгіштікке тәрбиелеу. Заман талабына сай қарапайым бұйымдар жасап шығару,эстетикалық тұрғыда әсемдей білу - деп атап өтті «№ 116 бөбекжай-балабақшасының» меңгерушісі Альмира Атханова.

Сонымен қатар,  балабақшада инновациялық, жас ерекшеліктеріне сай әр түрлі ойындар ұйымдастырылды.

Тақырыптық алаңда   «Кім зейінді?», «Сен де осынша көрсет», «Сыңарыңды тап»,«Көп және біреу»  ойынның бәрі қалай жасалынғаны балаларға түсінікті болу үшін арнайы жүннен пайдасы өте зор екенін балаларға түсінікті болу үшін арнайы макет жасалынды.   Бұл макетте жүннің қайдан алынып, қалай іске асырылынатынын  кезең-кезеңімен,  рет-ретімен көруге болады.

Форумның қатысушыларына жүннен киіз басу бойынша шеберлік сыныбын дайындады және әдемі өрнектер жасаудың құпиясымен бөлісті.

«Киіз басу үшін алдымен шиді төсейміз, шидің үстіне жүнді көлденеңінен,тігінен төсеп аламыз жүннің бір тегіс төселінгенін қадағалауымыз қажет. Енді ақ жүннен негізін  төсеп алғаннан кеиін  боялған  жүннен ою-өрнегімізді салып шығамыз. Осы салынған жүн қозғалып кетпес үшін ақ матаны жауып үстінен сабынды суды сеуіп абден ысқылаймыз. Келесі кезең бұл су себілген жүнді шиге қатты орап,әбден білектейміз міне осылай киізімізді дайындап шығарамыз. Киізді жақсылап кептіріп қою қажет»,  – дейді  балабақшаның тәрбиешілері.

Оған қоса,  « Жүн өңдеу» технологисының тиімділігі өте зор. Балалардың қолдарының ұсақ бұлшық еттері дамиды, жүйке жүйесін дамытады, бір- бірімен тіл табысуға шыдамдылыққа тәрбиелейді. Дене бұлшық еттері қатаяды, ойлау қабілеттері артады және қол өнерге деген қызығушылықтары артады.

««Жүн өңдеу» технологиясы мектепке дейінгі білім беру стандартына сай бес саланы қамтыйды. «Денсаулық» білім беру саласы бойынша  жүнді сабау,шилеу, есу арқылы баланың қимыл-қозғалысы дамып, бұлшық еттері дамиды. « Комуникация» білім беру саласы бойынша  жаңа сөздермен сөздік қорлары дамиды,  диологты сөйлеуге үйренеді.«Таным» білім беру саласы бойынша  жүннен әртүрлі ойындар ұйымдастырылып танымдық қасиеттері дамиды.«Шығармашылық»  білім беру саласы бойынша  «Жүн өңдеу» технологиясы арқылы сурет салу, ою-өрнек салып киіз басу, түрлі ойындар арқылы шығармашылық қасиеттері дамиды», - дейді тәрбиешілер.

Аягөз Құрмаш