• Басты
  • Ұстаздар Президенттің бастамаларын толық қолдайды-пікірлер
16 Тамыз, 2019 15:46

Ұстаздар Президенттің бастамаларын толық қолдайды-пікірлер

Тамыз конференциясында Президент Қасым-Жомарт Тоқаев айтқан бастамаларды мұғалімдер қауымы қолдайды. Бұл туралы конференцияға өңірлерден қатысқан мұғалімдер өз пікірлерінде айтты.

Ұстаздар Президенттің бастамаларын толық қолдайды-пікірлер | Strategy2050.kz

Түркістан облысы Келес ауданының білім бөлімінің әдістемелік кабинеттің меңгерушісі Гүлнәз Қасымбекова Тамыз конференциясына Мемлекет басшысы Қасым-Жомарт Тоқаевтың қатысуы педагогтар қауымы үшін үлкен мәртебе екенін атап өтті.

«Бұл біздің елде білім саласында болып жатқан өзгертулер Мемлекет басшысының  назарында екенін көрсетеді. Педагог мәртебесі туралы заңы қабылданып, жүзеге асатын заң болады деп есептейміз. Мұғалімдердің жалақысына қатысты мәселелер осыған дейін де қаралған болатын. Бүгін де айтылды. Қазір ұстаздардың орташа айлық жалақысы 90 мың көлемінде болып отыр. Мұғалімдердің жалақысы санаты мен категориясына байланысты болатын. 4 жылдың көлемінде қосымша ақы көбейетіні айтылды», - деді Г.Қасымбекова.

Сонымен қатар, ол мұғалімдердің жаңа категория алудағы қиындықтары мен кедергілері де айтылғанын атап өтті.

«Оған енгізілетін тың жаңашылдықтар қаралып, еленіп барып жүзеге асырылса екен деген тілегіміз бар. Осы оқу жылынан басталады деп күтеміз», - деді ол.

Сондай-ақ, ұстаз ағылшын тілін оқыту  5-сыныптан бастап енгізілетіні барлығының көкейінде жүрген маңызды мәселе екенін атап өтті.

«Мен бұл жаңалыққа өте қуандым. Себебі, бала алдымен өзінің ана тілін оқып, шегелеп алуы керек. Оқушы  5 –сыныптан бастап та ағылшынды оқыса, тілге деген машығы сөнбейді деп ойлаймын. Барша қауым да осыны құптайды деп ойлаймын»,- деді ол.

Өз кезегінде Қызылорда қаласынан  келген ұстаз Ізбас Алтынболатова  конференцияда  ҚР Президенті  Қасым-Жомарт Тоқаевтың бастамалары мен ұсыныстары толғандырғанын атап өтті.

«Бізді толғандырып жүрген барлық мәселелер бүгін айтылды. Ол педагог статусын көтеру, еңбекақыны арттыру мәселелері. Оқу үрдісі бүгінгі заман талабына сай болу қажет. 4 жылда ұстаздар еңбекақысын екі есеге арттыру жаңалығы қуантты. Ағылшын тілін 1-сыныптан емес, 5-сыныптан бастап оқыту бастамасы да көңілден шықты. Президент ел ұстаздарының  алдына  көп тапсырма қойды», - деді І.Алтынболатова.

Сондай-ақ, ол қазір ұстаздарға дәптер тексеру мен сыныпқа жетекшілікке төлемақы қосылатынын айтты.

«Енді осының барлығы екі есеге өседі. Президент Үкіметке тапсырма берді», - деді ол.

Аягөз Құрмаш 

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды