• Басты
  • Елбасы «Nur Otan» партиясының қайта жандандыру бағдарламасын әзірлеуді тапсырды
30 Шілде, 2019 10:02

Елбасы «Nur Otan» партиясының қайта жандандыру бағдарламасын әзірлеуді тапсырды

Елбасы Нұрсұлтан Назарбаев пен Қазақстан Президенті Қасым- Жомарт Тоқаев кездесу өткізіп, «Nur Otan» партиясы Төрағасының бірінші орынбасары Бауыржан Байбекті қабылдады.

Елбасы  «Nur Otan» партиясының  қайта жандандыру бағдарламасын әзірлеуді тапсырды | Strategy2050.kz

Кездесуде күн тәртібіндегі өзекті мәселелер, сондай-ақ алдағы кезеңнің жұмыс жоспары талқыланды.

Елдегі қоғамдық-саяси ахуал және азаматтық қоғам институттарын дамыту мәселесі де әңгімеге арқау болды.

Кездесуде Қазақстанның Тұңғыш Президентіне партияны жаңғырту жоспарын жүзеге асыру барысы, сондай-ақ «Nur Otan» партиясының Түркістан облысы Арыс қаласын қалпына келтіру жұмыстарына атсалысуы туралы баяндалды.

««Nur Otan» – еліміздегі басты саяси күш. Партия халыққа жақын болып, оның мұң-мұқтажын білуге және оған қолдау білдіруге тиіс. Қоғамда туындайтын мәселелерді шешуге көмектесу керек. Сондай-ақ, партиямыздың кадрлық құрамын мұқият зерттеу қажет. «Nur Otan» өз жұмысын одан әрі жетілдіруді жалғастыра беруге тиі»с, – деді Нұрсұлтан Назарбаев.

Елбасы «Nur Otan» партиясының өңірлердегі филиалдары мен бастауыш партия ұйымдарының жұмысын жандандырудың маңыздылығын атап өтті.

« Бастауыш партия ұйымдарының жетекшілерімен, Саяси кеңес мүшелерімен, партияның өңірлердегі филиалдарының басшыларымен кездесу жоспарланған. Ұйымның барлық буынының ойдағыдай жұмыс істеуін қамтамасыз етудің маңызы зор. Сондай-ақ, партияның Мәжілістегі және мәслихаттардағы фракциялары тарапынан Үкімет пен әкімдердің жұмысын бақылауды барынша күшейту қажет», – деді Қазақстанның Тұңғыш Президенті.

Нұрсұлтан Назарбаев партиялық бақылау комиссияларының және орталық пен жергілікті жерлердегі сыбайлас жемқорлыққа қарсы іс-қимыл кеңестерінің жұмысын жақсарту мәселесіне тоқталды. Халықпен «кері байланыс» орнату құралдарының тиімділігін арттыру, соның ішінде партияның қоғамдық қабылдау орындарының қызметін жақсарту мәселелеріне де назар аударылды.

Кездесу соңында Елбасы Партияны қайта жандандыру бағдарламасын әзірлеуді және оны «Nur Otan» партиясының Саяси кеңесі бюросының қарауына шығаруды тапсырды.

 

 

 

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды