Қазақстанның ірі қалаларында сумен қамтамасыз ету жүйелері жаңартылуда - «Қазақстан Су Арнасы» қауымдастығы

23 Қаңтар, 2014 13:43

Бүгінде республика бойынша ірі қалаларды заманауи тәсілдерге сүйене отырып сумен қамтамасыз ету жүйелері жаңартылуда. Бұл туралы бүгін «ҚР елді- мекендеріндегі сумен қамтамасыз ету және суды бұру жүйелерін жобалаудағы маңызды сұрақтар» атты халықаралық конференцияда «Қазақстан Су Арнасы» қауымдастығының менеджер-координаторы Валерий Торубар мәлім етті.

«Ғылымды көп қажетсінетін жоғары технологиялы сумен қамтамасыз ету жүйелері Алматы және Астана қалаларында бар. Бұдан басқа, Шымкент, Ақтөбе, Өскемен, Қарағанды қалаларында заманауи тәсілдерге сүйене отырып сумен қамтамасыз ету жүйелері жаңартылуда», - деді В.Торубар.

Сондай-ақ, қазіргі таңда су ресурстарын басқару бағдарламасы белсенді жүзеге асырылуда. Мәселен, «Ақ бұлақ - 2020» бағдарламасы арқылы ауыз сумен 100%, оның ішінде шалғайда орналасқан елді- мекендердің 80% қамтамасыз ету қарастырылған.

«Бүгінде бұл көрсеткіш 47% құрады. Міндеттелген межеге 2020 жылға дейін жету үшін біз әлі қанша жұмыс істеуіміз керек. Мәселен, елді-мекендердегі ауыз су тапшылығы проблемаларының бүгінде тек 9% шешілген. Ал бұл көрсеткішті біз кем дегенде 20%-ға жеткізуге тиіспіз», - деп ол өз ойын қорытындылады.

Барлық жаңалықтар