Астанада «Қазақстан-2050» Демократиялық күштердің жалпыұлттық коалициясының отырысы өтуде

Шараға «Нұр Отан» партиясы Төрағасының бірінші орынбасары Бауыржан Байбек, ҚР Премьер-Министрінің бірінші орынбасары Бақытжан Сағынтаев,  саяси партиялар мен  үкіметтік емес ұйымдардың өкілдері, ҚР Парламент Мәжілісінің депутаттары қатысуда.

 «Елбасы Қазақстан-2050 стратегиясын жүзеге асыру үшін негізгі міндеттерді бес жылға бөліп берді. Бастысы еліміздің дамыған 30 елдің қатарына кіруіне тек билік ғана емес, күллі қоғам атсалысуы керек.  Барлық партиялардың басын қосқан «Қазақстан-2050»  Демокраиялық күштердің жалпыұлттық коалициясы Елбасы тапсырған міндеттер бойынша ортақ ұстаным әзірлеуде», - деді «Нұр Отан» партиясы Төрағасының бірінші орынбасары Бауыржан Байбек.

Ол атап өткендей, коалицияның мақсаты халықты біріктіріп, Жолдауды түсіндіру жұмыстарын жүргізу және жергілікті жұрттың мұң-мұқтажын Үкіметке жеткізу.

«Барлық негізгі жұмыстар ақпан айында басталып, жыл соңына дейін барлық жоспарлар кезең-кезеңімен іске асырылады. Егер, жалпыұлттық жоба туралы айтатын болсақ Үкімет оны іске асыру үшін негізгі жеті  бағытты белгілеп берді», - деді  ҚР Премьер-Министрінің бірінші орынбасары Бақытжан Сағынтаев.