• Басты
  • Қазақстанның әлеуметтік-экономикалық көрсеткіштері қандай?
22 Шілде, 2019 09:30

Қазақстанның әлеуметтік-экономикалық көрсеткіштері қандай?

Қазақстан экономикасының өсу динамикасы құрылыста 11,1%-ға, саудада 7,5%-ға, көлік саласы бойынша 5,3%-ға, ауыл шаруашылығында 3,8%-ға және өнеркәсіп пен байланыста 2,6%, 7%-дарға өскен.
Қазақстанның әлеуметтік-экономикалық көрсеткіштері қандай?

Ұлттық экономика министрлігінің Макроэкономикалық талдау және болжамдау департаментінің директоры Асқар Жаппарқұлов Қазақстанның 2019 жылғы бірінші жартыжылдықтағы әлеуметтік-экономикалық көрсеткіштері туралы баяндай келіп, жалпы ішкі өнім көлемі 4,1%-ға артқанын хабарлады.

«Инфляцияның маусымдығын үнемі есепке алып отырамыз. Ол әдетте қыста көтеріліп, жазда түседі. Жыл қорытындысына бағалау жасадық, әзірге экономикалық дәліз шеңберіндеміз. Инфляция 5 пайыз шектеуінен шығады деп күтпейміз. Сол себепті бұған түбірі инфляцияға қатысты коммуналдық қызметке бағаның түсуі, сосын азық-түлік емес тауарларына деген бағаның өсуі ықпал етеді. біздің бағалауымызша, ол шектеуден аспайды. Қызмет ұсынуға қатысты, иә, ол ел экономикасы үшін маңызды рөл ойнайды. 2019 жылы пайда болған әр-түрлі әлеуметтік бағдарламалар мен жәрдемақылар әкономикалық өсімге оң әсер етпесе, теріс әресі жоқ. Халықта жалақы өскен сайын сұраныс өседі, ал ол сауда-саттықтарда да, қызметтерден де көрінеді. Біз сауда-саттықта 7,5 пайыз өсуді көріп отырмыз, ол сауда халыққа қатысты көрсеткішке байланысты. Ал табыстың өсуі болмаса, сауда да төмен болады. Біздің халықтың төлем қабілеті артты, тауар мен қызметті тұтынуы өсті деген сөз», - деді ол.

Салалар бойынша инвестициялардың едәуір өсуі байқалған.  Ұлттық экономика министрлігінің Макроэкономикалық талдау және болжамдау департаментінің директоры Асқар Жаппарқұловтың айтуынша, кәсіби, ғылыми және техникалық қызметінде 88,8%-ды құрап, 34,5 млрд. теңгеге дейін жеткен, ауыл шаруашылығында инвестициялар көлемі 191,3 млрд. теңгеге дейін өскен. Сондай-ақ, құрылыста (54,7%, 52,9 млрд.теңгеге дейін), өнер, ойын-сауық және демалыста (27,7%, 54,5 млрд. теңгеге дейін), өнеркәсіпте (19,7%, 3 397, 1 млрд. теңгеге дейін) және жылжымайтын мүлік операцияларында (13,6%, 723,7 млрд. тенге) өсім байқалған.

«Елміздегі инфляция деңгейі жоспарланған дәлізде, жылдық 5,4%-ті құрап, негізгі капиталға инвестиция көлемі 2019 жылдың қаңтар-маусымында 11,7%-ке ұлғайды. Ал, ұлттық қордың шетел валютасындағы активі 0,3%-ке 58,2 млрд. АҚШ долларына дейін көбейді», - деді Асқар Жаппарқұлов.

Сондай-ақ, өнеркәсіп өндірісінің көлемі ағымдағы жылғы 6 айдың қорытындысы бойынша кен өндіру өнеркәсібіндегі шығарылымының 2,1%-ға дейін ұлғаюуына байланысты 2,6%-ке өсті. Өңдеу өнеркәсібінде өндіріс 2019 жылдың 1 тоқсанында, яғни алғашқы 4 айында 1,6% - тен 3,4% - ке дейін ұлғайған

Ұлттық экономика министрлігінің Макроэкономикалық талдау және болжамдау департаментінің директоры Асқар Жаппарқұлов атап өткендей, саладағы оң серпін фармацевтикалық өнімнің 19,5%-ға, жеңіл өнеркәсіптің - 16,7%- ға, сусынның – 15,8%- ға, машина жасаудың – 13,4%- ға, мұнай өңдеу өнімінің – 8,6%- ға, ағаш бұйымның 5,8%- ға және металлургия өнеркәсібінің 1,5%- ға ұлғаюы есебінен болды.

Айдана Абдрахманова

Материалдарды t.me/strategykz telegram аккаунтынан оқи аласыздар.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды