Президент өз Жолдауында мүмкіндігі шектеулі жандардың елінің гүлденуіне үлес қосу қалауын ескерді – Р. Ақжаркенова

23 Қаңтар, 2014 10:56

Бүгінде мүмкіндігі шектеулі жандардың тағдыры, тұрмыс-тіршілігі мемлекет тарапынан толыққанды назарға алынды. Олар үшін жаңа жұмыс орындары ашылып, қоғамға пайдалы және қажет екендіктерін сезінуге мүмкіндіктер туғызылуда, деді «Ерлік» мүгедектер қоғамлық үйымының төрайымы, Роза Ақжаркенова.

«Біз үшін, «Ерлік» мүгедектер қоғамдық ұйымындағылардың қоғамда кездескен проблемаларды шешу, нақтырақ айтқанда: ғимараттарға, мекемелерге, дүкендерге және банкке кедергісіз кіру маңызды. Бүгінде мұның барлығы біздің қатысуымызбен, өзіндік ұстанымымызға, мүмкіндігі шектеулі әрқайсымыздың ұстаным бағытымызға байланысты», - деді ол.

Әлеуметтік жәрдемақылардың өсетіндігін, бүгінде арқа сүйеушілік кейіп танытатындардың қатарын арттырмай, мемлекеттен көмек алатындарды, соның ішінде мүмкіндігі шектеулі жандар міндетті түрде жұмыспен қамту және бейімдеу бағдарламасына қатысу керектігін де баса айтты Президент.

«Келер жылдың 1 шілдесінен бастап мүгедектігі мен асыраушысын жоғалтқаны бойынша әлеуметтік жәрдемақылар мөлшері 25 пайызға өсетіндігін естіп қуандым. Елбасының әр сөзіне құлақ түре тыңдағанымда оның айтқандары менің ойларымды дөп басты», - деп толықтырды Р. Ақжаркенова.

Мүмкіндігі шектеулі жандардың көпшілігі еңбек етіп, мемлекетке пайдасын тигізгісі келеді. Өз елінің дамуына үлесін қосқанды жөн санайды. Осы дүниелердің бәрі де Елбасы Жолдауында нақты айтылды.

Барлық жаңалықтар