Астанада Қазақстан аймақтарын сумен жабдықтау жүйесін жобалау мәселесі талқыланды

23 Қаңтар, 2014 10:38

Бүгін Астанада «Қазақстанда елді мекендерде сумен қамтамасыз ету және су бұру жүйелерін жобалаудың өзекті мәселелері» атты халықаралық конференция басталды.

«Бүгінгі конференция - ерекше, себебі қызығушылық танытқан мемлекеттік органдар, жобалық ұйымдар, қондырғы өкілдері, сорғы құрылғысы, қазақстандық сарапшылар, Қазақстанның ғылым және академиялық топтарының өкілдері бар. Бұл аталмыш саладағы өзекті сұрақтардың басын ашып, шешілуіне түрткі болады», - деді «ҚазақСуканалжоба» АҚ президенті Эльдар Табанов.

Сондай-ақ, шарада Франция, Испания, Швейцария, Ресей, Германия елдерінің сумен жабдықтау саласындағы сарапшылары қатысты.

Конференцияда сумен жабдықтау жүйесінің сапасын арттыру, жалпы жүйенің Қазақстанда дамуы талқыланды.

Сондай-ақ, Л. Гумилев атындағы ЕҰУ университетте мамандарды дайындау сұрағы алға тартылды.

«Бүгінде Қазақстанда сумен жабдықтау жүйесінде білікті мамандар тапшылығы байқалады. Құрылыс компаниялары мен жобалық, инжинирингтік компаниялар кадр тапшылығын көріп отыр», - деді Э. Табанов.

Шараны «ҚазақСуканалжоба» АҚ мен Л. Гумилев атындағы ЕҰУ жанындағы «Карлскрона» ЖШС Өңірлік даму министрлігінің қолдауымен ұйымдастырды.