• Басты
  • Нұр-Сұлтанда БАҚ өкілдері құрметіне жасыл аллея ашылды
24 Маусым, 2019 10:15

Нұр-Сұлтанда БАҚ өкілдері құрметіне жасыл аллея ашылды

Қазақстанның Елордасында тұңғыш рет журналистердің құрметіне жасыл аллея ашылды. Төртінші билік өкілдеріне арналған бұл шараны Қазақстан құрылысшылары одағы ұйымдастырды. Аллеяға 14 БАҚ-тан 40-тан астам журналистер өз қолдарымен шырша көшеттерін отырғызды.

Нұр-Сұлтанда БАҚ өкілдері құрметіне жасыл аллея ашылды | Strategy2050.kz

Қазақстан құрылысшылары одағының төрағасы Талғат Ерғалиев қонақтардың алдында құттықтау сөз сөйлеп, одақтың алдағы мақсаттарымен бөлісті.



«Құрылысшылар одағының мақсаттары мен міндеттері құрылыс саласын дамыту, сондай-ақ Қазақстан азаматтарына қолжетімді тұрғын үймен қамтамасыз етуге жәрдемдесу болып табылады. Сіз, журналистер, бұқаралық ақпарат құралдарының қызметкерлері, халық пен билік арасындағы алтын көпірсіздер. Біз сіздерге Ақпарат және байланыс қызметкерлерінің кәсіби мерекесі қарсаңында шақыруды қабылдағаныңызға және өз қолыңызбен "журналистер аллеясын" құруды шешкеніңізге алғысымызды білдіреміз», - деді одақ төрағасы Талғат Ерғалиев.

ҚҚО төрағасы журналистерді осы жылдың қыркүйек айында Нұр-Сұлтан қаласында өтетін 2019- Республикалық құрылыс сыйлығы үшін өткізілетін байқауға қатысуға шақырды.



«Құрылысшылар одағы журналистер арасында Бірінші республикалық құрылыс сыйлығын ұйымдастырады. Телеарналар, газеттер, интернет-ресурстар мен радио үшін "Газеттегі үздік жарияланым", "Үздік телесюжет", "Үздік интернет-жарияланым", "Үздік радио-бағдарлама" атты 4 номинация құрдық. Бірінші Республикалық құрылыс сыйлығы аясында жеңімпаздар марапаттау рәсіміне шақырылады. Өтінім беру күні - 10 шілдеге дейін», - деді Талғат Ерғалиев.

Ұсыныстарды news@sskaz.kz поштасына 2019 жылдың 10 шілдесіне дейін жіберу керек. Байқау қорытындысы Қазақстан құрылысшылары одағы сайтында жарияланады. Жеңімпаздар қомақты жүлдеге ие болады.

Журналистер аллеяға жасыл көшет отырғызғаннан кейін оларға Қазақстан құрылысшылары одағы сыйлықтар табыстап, достық фуршет ұйымдастырды. Барлық рәсім "Көркем tower" ТК – нің 23-ші қабатындағы биіктікте өтті. Қонақтар мен ұйымдастырушылар 23-қабаттан ашылатын Қазақстан астанасының қайталанбас көрінісін тамашалай алды.



Айта кетсек, Қазақстан құрылысшыларының одағы 2010 жылдың маусым айында құрылды. Қызметті - құрылыс саласын дамыту және құрылыс бизнесін шоғырландыру. Сондай-ақ, ҚҚО Қазақстан Республикасы Парламентінің заң шығару қызметі жұмыс тобының қатысушысы әрі "Атамекен" Ұлттық Кәсіпкерлер палатасы төралқасының Құрылыс және ТКШ комитетінің аккредиттелген қауымдастығы мен мүшесі болып табылады.

Айдана Абдрахманова 

Барлық материалдарды  t.me/strategykz     telegram  аккаунтынан оқи аласыздар. 

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды