«7-20-25»: 1 шілдеден бастап бағдарламаның талаптары өзгереді

Ұлттық Банк  «7-20-25» бағдарламасының талаптарына өзгерістер енгізіп, оның мүмкіндіктерін кеңейтті, деп хабарлайды «Баспана» Ипотекалық ұйымы.

Бұдан былай қарыз алушының қалауы бойынша тұрғын үй құнының 20%-нан артық соманы бастапқы жарна ретінде төлеуге рұқсат беріледі. Оның нәтижесінде негізгі борыш сомасы азайып, банктердің қарыз алушының төлем қабілеттілігіне қоятын талаптары төмендетіледі.

«Бұрынғы талап бойынша бекітілген бастапқы жарнаның тұрақты мөлшері қолында 20%-дан артық сомасы бар клиенттерге біраз қолайсыздықтар туғызғаны рас. Ал қазір азаматтар бастапқы жарнаны көбейту арқылы ипотеканы мақұлдау мүмкіндігін арттыра алады. Сонымен бірге, банктер үшін кредиттік тәуекелдер де төмендейді. «7-20-25» бағдарламасы уақыт талаптарына сай, қазақстандықтардың қалауын ескере отырып жаңаруда», - деді «Баспана» ипотекалық ұйымы серіктес-банктермен жұмыс жөніндегі департамент директоры Қанат Әбдірайымов.

Қазір «7-20-25» бағдарламасына қатысушы банктер тиісті дайындық жұмыстарын жүргізуде. Естеріңізге сала кетейік, бағдарлама аясында ЦентрКредит, Сбербанк, Халық Банк, АТФБанк, Jýsan bank, Bank RBK, Еуразиялық банк және ForteBank сынды 8 қаржы ұйымы несие береді.

Оқи аласыздар: 

Білім және медицина саласы қызметкерлеріне жарнасыз пәтер беріледі

Жеңілдігі бар пәтерлердің берілуі, әуе билеттерінің арзандауы - ИИДМ есеп берді

«Бақытты отбасы» тұрғын үй бағдарламасы кімге, қашан, қалай беріледі?

Барлық материалдарды  t.me/strategykz     telegram  аккаунтынан оқи аласыздар.