ҚР Президенті Дүниежүзілік экономикалық форумға қатысу үшін Швейцария Конфедерациясына келді
22 Қаңтар, 2014 19:21
Мемлекет басшысы Н. Назарбаев Дүниежүзілік экономикалық форумға қатысу үшін Швейцария Конфедерациясына келді, деп Ақорданың баспасөз қызметі хабарлады.
«Сапар барысында Қазақстан Президентінің жыл сайын өтетін Давостағы форум жұмысына қатысуы, сондай-ақ бірқатар екіжақты кездесулері жоспарланған», - делінген хабарламада.
Бұған қоса, Мемлекет басшысы халықаралық форумның ашылуына орай ДЭФ атқарушы төрағасы К.Швабтың атынан берілетін ресми кешкі асқа қатысады, оған мемлекет және үкімет басшылары, ірі халықаралық компаниялар жетекшілері шақырылған.
