Б. Қуандықов ҚР Тұтынушыларының құқын қорғау агенттігінің төрағасы қызметіне тағайындалды

Күннің екінші жартысында Премьер-Министр Серік Ахметов Агенттік ұжымына жаңа жетекшіні таныстырып, ведомствоға тапсырмалар жүктеді.

«Агенттік алдында тұтынушылардың құқын қорғау мен отандық тауар өндірушілердің құқын қорғау міндеті тұр. Тапсырмалардың ішінде – қауіпсіз азық-түлікпен қамту, санитарлық-эпидемиологиялық қадағалауды бақылау, өнім мен қызметтің техрегламентін бағыттау бар», - деді С. Ахметов.

Сондай-ақ, ол тұтынушылардың құқын қорғау саласында мемлекеттік саясаттың жетілуі  бойынша ұсыныстар әзірлеуді  тапсырды.