«Астана Операда» балаларға арналған опера және балет студиясы ашылады

« «Астана Операда» болатын барлық қойылымдарға,  «Қыз Жібектен» бастап барлығына балалар қатысады. Оған  камералық залда өтетін шаралар жатады. Балалар үшін үлкендермен сахнаға шығып жұмыс істеу өте маңызды. Балалармен жұмыс 4 бөлімге бөлінеді: хор, балет, актерлік топ және инструменталды топ. Болашақта бұл балалар симфониялық оркестрге көшетін болады. Біз балалар студиясын ашып композиторлар туындыларын қоямыз», - деді Абзал Мұхитдинов.

Сондай-ақ, оның айтуынша, жақын арада «Астана Операда» симфоникалық оркестрдің ашылуы жоспарлануда.

«Болашақта «Щелкунчик» қойылымын қою жоспарлануда. Мұндай әлі еш жерде болмаған. Музыкалық қойылымдардың  балаларға шақталғандары  таңдалады», - деді ол.

 Айта кетейік, қатысуышлардың жас аралығы 8-10 жас аралығы, ал опералық студияға 6-15 жасқа дейін, инструменталды ансамбльге 10-16 жас аралығында іріктеледі.

Ай сайынғы төлем 10 мың теңгені құрайды.