Дүниежүзілік туристік ұйым Қазақстанға ЭКСПО-2017 өткізу кезінде қолдау көрсетеді

22 Қаңтар, 2014 17:07

ҚР ИЖТМ Туризм индустриясы комитетінің төрағасы Марат Игалиев бастаған қазақстандық делегация Дүниежүзілік туристік ұйымының Мадрид қаласында орналасқан бас кеңсесінде болып қайтты. Кездесу барысында ұйымның Қазақстанға ЭКСПО-2017 өткізу кезінде қолдау көрсететіні белгілі болды, деп ҚР ИЖТМ Туризм индустриясы комитетінің баспасөз қызметі хабарлады.

«Қазақстандық делегация Испанияға Дүниежүзілік туристік ұйымның бас хатшысы Талеб Рифаидың шақыртуы бойынша барған. ҚР ИЖТМ Туризм индустриясы комитетінің төрағасы Марат Игалиев бас хатшыға Қазақстанның туристік секторының ағымдағы жағдайы мен оны дамуты басымдықтары, ведомстваның ұзақмерзімді және қысқамерзімді жобалары жайлы әңгімелеп берді», - делінген хабарламада.

Өз кезегінде, Дүниежүзілік туристік ұйымның бас хатшысы Талеб Рифаи Қазақстанға ЭКСПО-2017 өткізу кезінде қолдау көрсететінін және Қазақстан республикасы Үкіметімен әріптестік туралы меморандумға қол қоюға әзір екенін жеткізді.

Сондай-ақ ол, Қазақстанның Ұлы жібек жолы бойында орналасқанын атап өтті. Алматы қаласында 2013 жылдың қазан айында өткен сараптамалық кеңесте БҰДТҰ, ЮНЕСКО мен Жібек жолы бойында орналасқан елдердің аймақтары жасақталған Жібек жолы бойында туризмді дамыту бойынша жол картасын одан әрі жалғастыруды құптайтындығын да ескертті.

Кездесу барысында қос тарап туристік білім саласында әріптестік туралы уағдаласты. Сондай-ақ, ДТҰ Алматы қаласында туристердің статистикалық есебін жүргізу бойынша халықаралық әдістемемен таныстыру мақсатында семинар өткізеді.

Барлық жаңалықтар