• Басты
  • Сенаторлар еліміздің инвестициялық ахуалын дамыту мәселелерін талқылады
4 Мамыр, 2019 11:05

Сенаторлар еліміздің инвестициялық ахуалын дамыту мәселелерін талқылады

Парламент Сенаты депутаттары Атырау облысында жұмыс сапармен болды. Сапар барысында «Инвестициялық ахуалды дамыту: өңдеуші өнеркәсіп саласына стратегиялық инвесторларды тарту және экономиканың басым секторларында «зәкірлік инвесторлармен» бірлескен кәсіпорындар құру» тақырыбына арналған дөңгелек үстел отырысы өтті.
Сенаторлар еліміздің инвестициялық ахуалын дамыту мәселелерін талқылады

Шараға сыртқы істер, ұлттық экономика, энергетика министрліктерінің, Ұлттық кәсіпкерлер палатасының, "Kazakh Invest" акционерлік қоғамының, «Астана» халықаралық кешенінің өкілдері және облыс әкімі Н.Ноғаев қатысты.

Сенатор Ольга Перепечина дөңгелек үстелге қатысушыларға арнаған сөзінде еліміздің инвестициялық ахуалы саласында атқарылған жұмыстар туралы айтып берді.

«Қазақстан Республикасы Тұңғыш Президентінің «Қазақстанның үшінші жаңғыруы: жаһандық бәсекеге қабілеттілік» атты Қазақстан халқына Жолдауында берілген тапсырмасына сәйкес Үкімет ондағы мақсаттарға қол жеткізу үшін «Ұлттық инвестициялық стратегия» инвестицияларды тарту бағдарламасын» әзірлеп, бекіткен болатын. Қазіргі уақытта инвестициялық ахуалды жақсарту жөніндегі өзекті мәселелерді жою үшін Үкімет кәсіпкерлік қызмет саласындағы, оның ішінде салық саласындағы заңнаманы жетілдіру мәселелерін пысықтауда», - деді сенатор.

Депутат сондай-ақ Атырау өңіріндегі отандық және шетелдік инвесторлар үшін инвестиция тартудың ерекшелігі мен маңыздылығын атап өтті.

Депутаттар мемлекеттік органдар мен бизнес қауымдастығы өкілдерінің сөздерін тыңдап, неғұрлым маңызды мәселелер бойынша түрлі көзқарастарды талқылады.

Атап айтқанда, салықтық жеңілдіктерді берудің тиімділігі, шетелдік жұмыс күшін тарту жөніндегі рәсімдерді оңайлату, мемлекеттік бюджетке түсетін ауыртпалықты азайту құралы ретінде мемлекеттік-жеке меншік әріптестік тетіктері, өнімнің жаңа түрлері нарығына мониторинг жүргізу; тиімділігі төмен арнайы экономикалық аймақтарға инвестициялар ағынын ұлғайту мәселелері сараланды.

Сонымен қатар инвестициялық ахуалды одан әрі жақсарту үшін инвесторлардың Қазақстан соттарына алдын ала міндетті түрде өтініш жасамай, Астана халықаралық қаржы орталығы сотына немесе халықаралық арбитражға жүгіну құқығын енгізу; сондай-ақ Қазақстан Республикасында АХҚО шешімдерінің міндетті түрде орындалуын қарастыру; ірі инвестордың инфрақұрылымды жүргізу шығындарын өтеу мүмкіндігін қарау; инвестицияларды тарту жөніндегі кешенді экожүйе әзірлеу, оның ішінде жеке және шетелдік компаниялардың валюталық қауіптерін хеджирлеу құралдарын жасауға байланысты шаралар қабылдау туралы ұсыныстар айтылды.

Дөңгелек үстел барысында айтылған ұсыныстарды жүзеге асыру үшін Үкіметке жіберілетін ұсынымдар жобасы әзірленді.

Сенаторлар түстен кейін Қарабатан өнеркәсіп алаңына барып, Ұлттық мұнайхимия индустриясы технопаркінде болды. Өндіріс басшысы А.Жантайлақов бұл жобаның құрылысы кезінде 3 мыңға жуық адам, кейіннен пайдалануға берілгенде 550 адам жұмыс істейтінін атап өтті. «Полимер продакшн» мекемесінің басшысы Қ.Бимағамбетов полиэтилен өнімдерін өндіру жөніндегі жоспарларымен таныстырды.

Жұмыс сапары аясында сенаторлар арнайы экономикалық аймақ пен жеке индустриялық аймақтың бірқатар нысандарын аралап, жұмысымен танысты.

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды