Адами капитал

ТҚЖБ - ипотекалық несиелендіру нарығындағы көшбасшылардың бірі

Fitch Ratings халықаралық рейтинг агенттігі 2019 жылдың 4 сәуірінде «Қазақстанның тұрғын үй құрылыс жинақ банкі» АҚ эмитенті дефолтының ұзақмерзімді рейтингтерін «BBB-» деңгейінде растады. Рейтинг бойынша болжам – «Тұрақты».
Нұр-Сұлтан08 Сәуір , 10:03

«Қазіргі таңда Тұрғын үй құрылыс жинақ банкі ипотекалық несиелендіру нарығындағы көшбасшылардың бірі болып отыр. Қазіргі рейтинг пен оның расталуы банктің тұрақты әрі сенімділігін, басқару қызметі мен бизнес-стратегиясының тиімділігін, ал несие қабілеттілігінің жақсы деңгейде екенін, несие қатерлерінің төмендігін көрсетеді», - деп атап өтті «Қазақстанның Тұрғын үй құрылыс жинақ банкі» АҚ басқарма төрайымы Ләззат Ибрагимова.

Тұрғын үй құрылыс жинақ банкінің ұзақмерзімді рейтингінің расталуы мемлекеттің қажет болған жағдайда қолдау білдіруге дайын екендігі туралы агенттік пікірін білдіреді. Себебі, Банк тұрғын үй құрылыс жинақ жүйесін жүзеге асыруда ғана емес, жалпы қазақстандық ипотекалық нарықта маңызды рөл атқарып отыр.

Бұған қоса, Fitch Ratings пікіріне сүйенсек, Тұрғын үй құрылыс жинақ банкі орта мерзімді перспективада мұндай қолдауды қажет ете қоймайды. Сондай-ақ, агенттік банктің несие қоржынының тұрақты (жұмыс істемейтін активтер көрсеткіші 0,3 пайыз деңгейінде, ал бұл көрсеткіш барлық қазақстандық банктер арасында орта есеппен 8,3 пайызға тең), капитал қорының жақсы және жайлы өтімділік қорының бар екенін атап өтті.

Айта кетейік, Қазақстанның Тұрғын үй құрылыс жинақ банкі- «Бәйтерек» Ұлттық басқарушы холдингі» АҚ  еншілес ұйымы. Ол Қазақстанда тұрғын үй құрылыс жинақ жүйесін жүзеге асыратын жалғыз банк. Қазақстандағы екінші деңгейлі банктердің арасында Fitch Ratings  аталған рейтінгі ең жоғарғы болып табылады. Тағы бір халықаралық Moody’s рейтинг агенттігінің Тұрғын үй құрылыс жинақ банкіне берген рейтингі Қазақстанның «Baa3» егеменді рейтингі деңгейінде, рейтинг бойынша болжам «Тұрақты».

Оқи аласыздар: 

Баспана Хит: ақиқат пен аңыз

 Әлеуметтік-экономикалық даму

7-20-25 пен Нұрлы Жер арқылы көпбалалы отбасыларға үй беріледі

7-20-25: "Нұрлы жер" арқылы баспана алу мүмкіндігі

 




Яндекс.Метрика