Ақмола облысының ұстаздары Елбасының халыққа Жолдауын талқылады

22 Қаңтар, 2014 09:40

Ақмола облысы білім саласының 250-ден астам қызметкері мемлекет басшысының халыққа Жолдауын талқылады, деп облыстық ішкі саясат басқармасы хабарлады.

«Көкшетау қаласының Біржан Сал атындағы музыкалық колледжінде Ұлт көшбасшысы Нұрсұлтан Назарбаевтың «Қазақстан жолы - 2050: Бір мақсат, бір мүдде, бір болашақ» атты жаңа Жолдауын түсіндіру үшін арнайы кеңес өтті», - делінген хабарламада.

Келелі кеңес отырысының шымылдығын білім басқармасының басшысы Балым Ісбасарова ашты. Оның айтуынша, ведомствода орта мектеп оқушыларының білімін көтеру үшін бірқатар іс-шаралар жоспарланып, жүзеге асырылуда. Сондай-ақ, Назарбаев зияткерлік мектебінің тәжірибесін үйрену және оны тарату үшін пилоттық мектептер белгіленген. Осы мақсатта облыстық орта мектептердің жетекшілері мен қызметкерлері арнайы дайындықтан өтуде.

Алқа мәжілісінің қорытындысы бойынша Ақмола облысының білім саласын одан әрі жетілдіру және дамыту үшін ұсыныстар қабылданды.