2014 жылы Ақтөбеде рельс арқалығы зауыты мен Астанада дизель қозғалтқышы өндірісі іске қосылады

21 Қаңтар, 2014 18:40

2014 жылы Ақтөбеде рельс арқалығы зауыты мен Астанада GEVO дизель қозғалтқышы өндірісі іске қосылады, деп бүгін Астана қаласында Қазақстан Республикасы Премьер-Министрі Серік Ахметовтың қатысуымен өткен алқа отырысында «ҚТЖ» ҰК» АҚ төрағасы Асқар Мәмин хабарлады.

«Ағымдағы жылы көліктік-коммуникациялық кешендер бойынша ірі жобаларды жүзеге асыру жоспарланған. Атап айтатын болсақ, жыл соңына дейін «Жезқазған-Бейнеу», «Арқалық-Шұбаркөл» теміржолын, Ақтөбедегі рельс арқалығы зауыты мен Астанадағы дизель қозғалтқышы өндірісі пайдалануға берілетін болады.

Сонымен қатар, «Астана» теміржол торабының құрылысы басталып, ЭКСПО-2017 көрмесіне дейін вокзал кешенінің құрылысымен бірге аяқтау жоспарланған», -делінген «ҚТЖ» АҚ хабарламасында.

Бұдан басқа, 2014 жылы Ақтау теңіз кемежайын кеңейту, Астана, Павлодар, Көкшетау, Атырау қалаларында көліктік-логистикалық орталықтарды салу және Астана қаласындағы әуежайды дамыту бағдарламасын бастау жоспарланған. Сондай-ақ, 2014 жылы жолаушылар мен жүк айналымын 2013 жылман салыстырғанда 15%-ға көтеру көзделуде.

Сонымен, 2014 жылы «ҚТЖ» АҚ кірісі 962 млрд. теңгеге жетіп, таза пайда 122 млрд. теңгеден төмен болмайды деп жоспарланып отыр.

Сондай-ақ, мемлекеттік көліктік-логистикалық жүйені жетілдіру кешені 2020 жылға қарай транзиттік тасымалды 2 есеге немесе 18-ден 36 млн. тоннаға арттыруға мүмкіндік береді. Осылайша, жаңа 28 мың жұмыс орны ашылады.

ҚТЖ басшысының айтуынша, көліктік -логистикалық кешен ел экономикасының даму драйверінің бірне айналуы керек