2017 жылы Астанада жан басына шаққандағы ЖӨӨ 30 мың АҚШ долларын құрайды
21 Қаңтар, 2014 13:17
2017 жылға қарай Астанада жан басына шаққандағы жалпы өңірлік өнім (ЖӨӨ) 30 мың АҚШ долларын құрайды. Бұл туралы бүгін Астана әкімі Иманғали Тасмағамбетов ҚР Президентінің «Қазақстан жолы - 2050: Бір мақсат, бір мүдде, бір болашақ» атты халыққа Жолдауын талқылау бойынша қала активінің отырысы барысында мәлімдеді, деп қала әкімдігінің ресми сайты хабарлады.
«Жолдауға сәйкес, 2050 жылға қарай ел бойынша жан басына шаққандағы ЖІӨ 4,5 есеге - 13 мыңнан 60 мың долларға дейін артуы тиіс. Астанада 2017 жылға қарай бұл көрсеткіш 4,7 млн. теңгеден немесе 30 мың доллардан асады», - деді И.Тасмағамбетов.
Оның атап өтуінше, осының барлығы ЖӨӨ жыл сайынғы 7% өсімімен өзара тікелей байланысты, оны елордада шағын және орта бизнес, құрылыс және өнеркәсіп сынды негізгі секторлар қалыптастырады.
