• Басты
  • Б.Сапарбаев: Президент қойған міндеттер азаматтардың әл-ауқатын жақсартуға бағытталған
1 Ақпан, 2019 16:29

Б.Сапарбаев: Президент қойған міндеттер азаматтардың әл-ауқатын жақсартуға бағытталған

Ақтөбе облысының әкімі Бердібек Сапарбаев Үкіметтің сәрсенбі күні өткен кеңейтілген отырысында Мемлекет басшысы берген тапсырмаларды жүзеге асыруға байланысты жиын өткізді. Оған мемлекеттік органдардың, коммуналды кәсіпорындардың, қоғамдық ұйымдардың басшылары қатысты.
Б.Сапарбаев: Президент қойған міндеттер азаматтардың әл-ауқатын жақсартуға бағытталған | Strategy2050.kz

 «Біздің басты міндетіміз – Президент тапсырмасын сапалы әрі белгіленген мерзімде орындау. Елбасы қойған міндеттердің барлығы да халықтың әл-ауқатын жақсартуға бағытталған. Ең алдымен, бес әлеуметтік бастаманы сапалы жүзеге асыру керек. Біз қазіргі таңда «7-20-25» бағдарламасы бойынша барлық резервтерді пайдаланып отырған жоқпыз. Облыс өткен жылғы экономика өсімін 5%-бен аяқтады, осы жылы одан кем болмауы тиіс. Жұмысқа жыл басынан-ақ белсенді араласып, мемлекеттік бағдарламалардың тиімді жүзеге асырылуын қамтамасыз ету қажет»,- деп атап өтті Бердібек Сапарбаев.

Облыс әкімі Жастар жылының тиімді жүзеге асырылуына, соның ішінде жастар кәсіпкерлігін дамытуға назар аударды. Айта кетейік, жалпы, шағын және орта бизнесті шағын несиелеуге биыл 5 млрд теңге аударылмақ. Қарызды уақытында және 100% беру, қаражатты игеру тапсырылды.

Өнеркәсіп саласында импортты алмастыру және экспорт өнімін арттыру жобасын жүзеге асыруға басымдық берілетін болады.

«Биыл Үкімет импортты алмастыру мен экспорттауға бағытталған жобаларды қолдау үшін 600 млрд. теңге бөледі. Өндірістің әзірленген теңгерімі мен облыстың тұтынуы негізінде басым жобаларды анықтап, олардың аталмыш бағдарламаға енгізілуіне жұмыстануды тапсырамын. Отандық автоөнеркәсіпті қолдаудың жаңа бағдарламасы іске қосылады. Облыстың оған қатысу әлеуетін, сонымен қатар, автоомобиль, құрамдас бөлшектер, ауыл шаруашылығы техникасы өндірісінің мүмкіндігін қарастыру керек»,- деді Бердібек Сапарбаев.

Мемлекет басшысының азаматтарды баспанамен қамтамасыз ету тапсырмасын орындау мақсатында биыл Ақтөбе облысында кем дегенде 1 млн шаршы метр тұрғын үйді пайдалануға беру жоспарланып отыр. Сондай-ақ, құрылыстағы жергілікті құрылыс материалдарының мазмұнын қазіргі 85% -дан 90% -ға дейін арттыру міндеті тұр.

 «Жаңа көппәтерлі үйлердің бірінші қабаттарында әлеуметтік нысандар салу керек, мәселен, балабақша, медициналық немесе полиция бекеттерін, мектептен тыс балалар мекемесін. Бүгінде бірінші қабаттарды негізінде коммерциялық алаңдар ретінде салады, бірақ бұл әлеуметтік нысандар тұрғындарға анағұрлым маңыздырақ әрі қажет.Ауыл шаруашылығының өсу резерві көбірек. Президент тапсырмасына сәйкес, ауыл шаруашылығында осы жылы жаңа технологияларды енгізу, мал және өсімдік шаруашылықтарының өнімділігін көтеру, мемлекеттік-жеке серіктестікті, соның ішінде суармалы егіншілікті, ауыл шаруашылығы өнімдері бағасының негізсіз өсуіне жол бермеу үшін көтерме-тарату орталықтарының желілерін  дамыту жұмыстары басым. Тағы бір міндет – ауыл шаруашылығы өнімдерін қайта өңдейтін және азық-түлік қауіпсіздігін қамтамасыз ететін кәсіпорындарды барынша іске қосу»,- деді Б.Сапарбаев.

Сондай-ақ,  аймақ басшысы    2018 жылы суармалы жерлер алаңы 30,2 мың гектарға дейін өскенін атап өтті.

«Осы жылы 40 мың гектарға жеткізу керек. Ауыл шаруашылығындағы қайта өңдеу жыл сайын 5-7 пайызға өсіп келеді, бірақ ет, сүт комбинаттарының қуаттылығы бәрібір 50% ғана іске қосылған. Олай болмайды. Бізде сол сүт пен сүт өнімдеріне деген қажеттілікті толықтай қамтамасыз ететін әлеует бар. Мемлекет қолдауы бар. Тек сүт жинайтын кәсіпорындарды біріктіру және сүт тауарлы фермаларды құру жұмыстарын күшейтіп, шикізатты жинау жағын жолға қою қажет. Ауыл тұрғындарына сүттерін қайта өңдеу кәсіпорындарына тапсыра алатындарын түсіндіру керек. Мысалы «Айс» ЖШС бір литр сүтті 100 теңгеге сатып алады. Бұл ауыл тұрғыны үшін үлкен көмек. Сондай-ақ, 2019 жылы ет экспортының көлемін 4 мың тоннаға дейін ұлғайтып, экспортқа жіберілетін ауыл шаруашылығы өнімдерін қайтадан тереңдей өңдейтін жаңа өндіріс орындарын құруға ерекше көңіл бөлген жөн»,- деді өңір басшысы.

Сондай-ақ, Ақтөбе облысында биыл өңдеу өнеркәсібі саласындағы жобаларды жүзеге асыру, жекешелендіру, инвестиция тарту, ШОБ-ті дамыту, қаржы жүйеісінің тұрақтылығын қамтамасыз ету, көлеңкелі айнамлыммен күрес, жұмысшылардың құқықтары мен еңбек заңнамасының бұзылуының жолын кесу, мектептерді Назарбаев зияткерлік мектебінің стандарттары бойынша  жарақтандыру және әдістемелерін тарату, жоғары және арнайы орта оқу орындарындағы білім сапасын арттыру жұмыстары күшейтілмек.

 Бердібек Сапарбаев облыстың 500 шақырымдық автокөлік жолының сапалы жөнделуін қамтамасыз ету, коммуналды қызметтер тарифінің, бірінші қажеттіліктегі азық-түліктер мен дәрі-дәрмектер бағасының негізсіз өсуіне жол бермеу мәселелері қатаң бақылауда болу керектігін атап өтті.

 «Халықты толғандыратын сұрақтардың бірі – медициналық қызметтердің сапалылығы мен қол жетімділігі. Денсаулық сақтау басқармасы бұл іспен тығыз айналысуы керек. Біздер, өз тарапымыздан биыл жедел жәрдем қызметін автомобильдермен қамтамасыз ету сұрағын шешу арқылы қолдау көрсететін боламыз»,- деп жеткізді.Қоғамдық қауіпсіздікті қамтамасыз ету мақсатында құқық қорғау органдарына құқықбұзушылықтың, әсіресе кәмелетке толмағандар арасындағы құқықбұзушылықтың алдын алу және ескерту жұмысын күшейту тапсырылды. Дәл осы мақсатта ағымдағы жылдың наурыз айында өзін оң жағынан көрсеткен "Халық қауіпсіздігін қамтамасыз ету" жобасы жаңғыртылады.«Елбасы қойған міндеттердің сапалы жүзеге асырылуы бізге әлемнің дамыған отыз елі қатарына енуге мүмкіндік береді. Мен сіздердің әрқайсысыңыздан соларды орындауда ерекше жауапкершілікпен қарауларыңызды сұраймын», - деді Бердібек Сапарбаев.

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды