90-ға жуық қазақстандық агроқұрылымдар өз өнімдерін Мәскеуде болатын бизнес-форумда таныстырады

21 Қаңтар, 2014 12:45

«ҚазАгро» Ұлттық басқарушы холдингі Мәскеуде болатын бизнес-форумға 90-ға жуық қазақстандық шаруашылықтар мен агроқұрылымдар өкілдерін тартуды көздеп отыр, ол 23-24 қаңтар аралығында өтеді.

« Бизнес-форумға ірі 10 агроөнеркәсіп қатысады. «Қазагрофинанс» АҚ қаржыландырған кәсіпорындар бар», - делінген хабарламада.

Іскерлік кездесу форматы үш бағытта сессиялар өткізуді жоспарлайды. Оның біріншісі - астық, ұн, күріш жеткізуде ынтымақтастық. Екінші - ет және ет өнімдерін жеткізу, Үшінші - ауыл шаруашылығы және көкөніс өнімдерін сату саласында байланыстар.

Бизнес-форум бағдарламасы потенциалды мәскеулік серіктестердің сауда алаңдарына және өндіріс базаларына баруды қамтиды. Қазақстандық кәсіпкерлер аймақтағы ұн комбинаттары, элеваторлары және астық сақтау қоймалары жұмыстарымен танысып, жергілікті ет және ет өнімдерін тоңазыту қоймалары мен ауыл шаруашылығы көтерме базарларына барады.

Сондай ақ, іс-шара нәтижесі бойынша Қазақстан Республикасы Ауыл шаруашылығы министрлігі мен Мәскеу қ. сауда және қызметтер Департаменті арасында өзара көмек пен ынтымақстастық туралы Меморандумға қол қою рәсімі өтеді.

Барлық жаңалықтар