ҚР-да 2015 жылдың 1 шілдесінен бастап әлеуметтік жәрдемақы көлемі артады - Е.Досаев

21 Қаңтар, 2014 12:15

Қазақстанда 2015 жылдың ортасынан бастап 2015-2017 жылдарға арналған бюджет жобасын құру аясында мүгедектер мен асыраушысынан айырылғандарға берілетін жәрдемақы көлемін 25%-ға көтеру ұсынылып отыр, деп Үкімет отырысында ҚР Экономика және бюджеттік жоспарлау министрі Ерболат Досаев мәлім етті.

«2015-2017 жылдарға арналған бюджет жобасын құру аясында мүгедектер мен асыраушысынан айырылғандарға берілетін мемлекеттік әлеуметтік жәрдемақы көлемін 2015 жылдың 1 шілдесінен бастап 25%-ға көтеру мәселесі қарастырылатын болады», - деді Ерболат Досаев.

Сондай-ақ оның айтуынша, бюджет жобасында 2015 жылдың 1 шілдесінен бастап азаматтық қызметкерлердің еңбекақысын арттыру және мемлекеттік қызметкерлердің жалақысын 15%-ға өсіру үшін қаржы қарастырылатын болады. Бұдан басқа 2016 жылдың 1 шілдесінен бастап шәкіртақы көлемі 25%-ға өседі.

Ведомство басшысының хабарлауынша, Елбасының «Қазақстан жолы - 2050: Бір мақсат, бір мүдде, бір болашақ» атты халыққа Жолдауын жүзеге асыру аясында әзірленген Жалпыұлттық жобада кембағал жандар үшін «кедергісіз орта» қалыптастыру тапсырмасын орындау мәселелері қарастырылған.

Сонымен қатар, ЭБЖМ басшысы атап өткендей, шағын және орта бизнесті дамыту және жеке меншік институтын нығайту мақсатында ағымдағы жылдың бірінші жаарты жылдығында заңнаманы жетілдіру бойынша ұсыныстар жасалып, ҮИИДМБ-нің жаңа бесжылдығына сәйкес «Бизнестің жол қартасы - 2020» бағдарламасың маңыздылығы арта түседі.

Естеріңізге сала кетейік, Жалпыұлттық жоба Елбасының Қазақстан халқына Жолдауында айтылған жеті басым бағыты негізінде әзірленген.