ҚР Қарулы Күштерінің әскери қызметшілері Елбасы Жолдауда қойған тапсырмаларды орындауға дайын – ҚР ҚК Бас штабы бастығының орынбасары

«Бұл Жолдау - Қазақстанның 2050 жылға дейінгі даму жолын айқындайтын стратегиялық құжат екендігі белгілі. Ел Президентінің жыл сайынғы Жолдауларында Қарулы Күштеріміздің, дамуына жасап отырған қамқорлығы ерекше, оның нәтижесі де жоғары. Қазақстан дәулетті де сәулетті мемлекетке айналды. Армиямыз  дамыды, ТМД елдері арасында көш бастады.Жоғарғы Бас Қолбасшының белгілеген бағыт-бағдары бойынша қойылған тапсырмалар толығымен орындалды.Мемлекет басшысының «Қазақстан жолы - 2050: Бір мақсат, бір мүдде, бір болашақ» атты кезекті Халыққа Жолдауында жаңа қазақстандық патриотизм мәселесіне баса назар аударылды.», - деді М. Таласов.

Сондай-ақ,  осыған негізделе отырып, біздің армиямыз аға ұрпақтың ерліктері мен жауынгерлік дәстүрлерінен нәр алған қазақстандық патриотизмнің басты идеологиялық мектебі мәртебесі құқығына ие болуы тиіс, деп атап өтті ол.

«Елбасы Жолдауын өңірлік қолбасшылықтарда, аймақтарда түсіндіру үшін Қорғаныс министрінің бұйрығымен ақпараттық насихат тобы құрылды. Бұл топ қазір жұмыс жоспарын әзірлеп, санаулы күндерден соң жұмысын бастамақ.Бұған Қазақстан Республикасы Қарулы Күштері бүкіл офицерлік корпусы күш-жігерін қосатын болады. Ол үшін әркім өз орнында жұмыс істеп еңбек етуі тиіс, өзінің бар білімі мен тәжірибесін мемлекеттің өркендеуіне арнауы қажет», - деді ол.