Цифрлық технология: Елбасы «Smart Aqkol» жобасымен танысты

Мемлекет басшысы «Цифрлық Қазақстан» мемлекеттік бағдарламасы аясында жүзеге асырылған «Smart city – Ақылды қала» заманауи технологияларды енгізу жөніндегі байқау жобасының қорытындыларымен танысты.

Президент  «Smart Aqkol»-дің тәжірибесін басқа қалаларға тарату жағын пысықтауды тапсырды. Себебі жаңа теxнологиялардың арқасында барлық процестерді жылдам әрі тиімді түрде басқаруға болады.

«Компанияны, я болмаса, кәсіпорынды қалай басқарамыз, цифрлық теxнологиялардың арқасында Қазақстанды да тура солай бірыңғай орталықтан басқаруға болады. Міне, мына жерде тұтас бір қаланы басқарып отырмыз. Ондай жүйенің артықшылығы көп, экономикалық тиімділігі де жоғары. Нақты нәтиже деп осыны айту керек», - деп атап көрсетті Н.Назарбаев.

Аxуалдық орталықта диспетчерлік зал, бейнебайланыс жүйесі және call-орталық бар. Бейнебақылау жүйесінің барлық сигналдары арнайы LED экрандарға шығарылады.

Осылайша, аxуалдық орталық арқылы ведомствоаралық өзара іс-қимыл ұйымдастырылады, қала өмірін тактикалық және стратегиялық жағынан басқару шаралары жүргізіледі.

Ал барлық ақпарат бункерлік типтегі деректерді өңдеу орталығында сақталады. Аталған орталық жердің астында орналасқан.

Фото: Бауыржан Жуасбаев