Профессор П.Қазымбет: Ғылымды қаржыландырудың артуы – Тәуелсіз Қазақстан жетістігінің кепілі
21 Қаңтар, 2014 11:40
Медицина ғылымдарының докторы, профессор, «Астана» медициналық университетінің радиобиология зерттеу институтының директоры Полат Қазымбет Ғылымды қаржыландырудың артуы Тәуелсіз Қазақстан жетістігінің кепілі екенін айтады.
«Қазақстан халқына Жолдауда білім беру кластерін құрып, ғылымды қаржыландыру көлемін ЖІӨ-нің 3 пайызына дейін көтеру қажеттілігі айтылады. Менің ойымша, бұл жетістік кепілі. Ғылыми зерттеусіз, ғылыми сараптамасыз және жаңа технологияларды енгізбей ешбір жоба жетістікке жете алмайды», - дейді профессор.
Оның айтуынша, жасыл экономиканы құру, ядролық технологияны дамыту мен энергетиканы жетілдіру Қазақстан үшін өте маңызды.
«Уранның мол қорына иелік ете отырып және ядролық энергетика дамытудың мол мүмкіндігін қолда ұстап энергетика саласында жетістікке жетпеу мүмкін емес. Мұнда әлемдегі аталмыш саланың жаңа трендтерімен санасу керек. Қазақстанға ядролық энергетика қажет-ақ», - дейді П.Қазымбет.
