• Басты
  • Орталық Азия елдері арасында жүк тасымалдайтын консорциум құрылады
14 Қаңтар, 2019 16:22

Орталық Азия елдері арасында жүк тасымалдайтын консорциум құрылады

Самарқанда Сыртқы істер министрі Бейбіт Атамқұлов «Үндістан - Орталық Азия» Диалогы Сыртқы істер министрлерінің Ауғанстанның қатысуымен өткен алғашқы кездесуіне қатысты. Шараға қатысқандардың арасында Қазақстан Республикасы, Ауғанстан Ислам Республикасы, Үндістан Республикасы, Қырғыз Республикасы, Тәжікстан Республикасы, Түрікменстан және Өзбекстан Республикасы сыртқы істер министрлері бар.
Орталық Азия елдері арасында жүк тасымалдайтын  консорциум құрылады | Strategy2050.kz

 «Біздің Мемлекет басшымыз Нұрсұлтан Назарбаев аймақтағы елдермен тату көршілестік және одақтастық қатынастарды нығайтуға үнемі назар аударады, ал Орталық Азия елдерінің географиялық және мәдени-тарихи жақындығы, дәстүрлі орнатылған өндірістік байланыстар, экономиканың біртұтастығы Орталық Азия елдерінің арасында терең интеграциядан басқа балама қалдырмайды», - деп атап өтті Қазақстан Сыртқы істер министрі Бейбіт Атамқұлов.

Қазақстан СІМ басшысы Орталық Азия елдері мен Үндістанды жақындастыруға, сондай-ақ Орталық Азия елдері экономикасының өсуіне серпін беретін өткен кездесудің маңыздылығын атап өтті.

«Astana Hub» Халықаралық IT стартаптар технопаркі мен «Астана» Халықаралық қаржы орталығының мүмкіндіктерін пайдалана отырып, Үндістанмен медицина, фармацевтика, жаңа технологиялар және қаржы саласындағы бірлескен жобаларды жүзеге асыру қажеттілігі атап өтілді.

Аймақтың транзит-көліктік әлеуетін арттыру мақсатында Орталық Азия - Үндістан бағытындағы жүктерді тасымалдау үшін Қазақстан - Түрікменстан - Иран және Қазақстан - Өзбекстан - Түрікменстан - Иран теміржол маршруттарын Чабахар портымен байланыстыратын барлық Орталық Азия елдерінің қатысуымен консорциум құру идеясы айтылды.

Іс-шара барысында экономикалық, мәдени-гуманитарлық ынтымақтастық, сондай-ақ Ауғанстанның тұрақтандыру және экономикалық дамуына ықпал ету мәселелері талқыланды.

Атап айтқанда, өзара сауда-саттықты белсендету, іскерлік ассоциациялардың тікелей байланыстарын кеңейту, Орталық Азия елдерінің транзит және көлік-коммуникациялық әлеуетін дамыту, халықаралық және аймақтық көлік дәліздерін құру бойынша бірлескен бастамаларды алға жылжыту, үндістандық инвестициялар, инновациялар және технологияларды Орталық Азия елдеріне тарту мәселелері қозғалды, оның ішінде өнеркәсіп, энергетика, ақпараттық технологиялар, фармацевтика, ауыл шаруашылығы және т.б.

Кездесу қорытындысы бойынша Диалогқа мүше-елдерінің сыртқы істер министрлері Бірлескен мәлімдеме қабылдады. Тараптар Үндістан мен Орталық Азия елдерінің арасындағы достық қарым-қатынастар мен өзара тиімді ынтымақтастықтың серпінді және жемісті дамуын атап өтіп, аймақты қауіпсіз, тұрақты және орнықты дамыту мақсатында аймақтық ынтымақтастықты, өзара қолдауды, өзекті мәселелерді бірлесіп шешуді растады.

«Үндістан - Орталық Азия» Диалогы шеңберіндегі алғашқы министрлік кездесуді өткізу туралы ұсыныс алдында 2012 жылдан бері өткізілетін сарапшылар деңгейіндегі бірқатар кездесулер болды. Осындай кездесулерді өткізу туралы бастаманы Үндістанның Сыртқы істер министрлігімен бірлесе отырып Үндістанның Халықаралық істер жөніндегі кеңесі (Indian Council of World Affairs, ICWA) ұсынды.

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды